Parłamient i prezident
Prajekt praduhledžvaje pierachod dziaržavy z prezidenckaj formy praŭleńnia na parłamienckuju: mienavita parłamient budzie pryznačać premjer-ministra, zaćviardžać urad, prymać zakony i pastanovy.
Urad, u svaju čarhu, budzie rabić spravazdaču pierad parłamientam. Prezident u hetaj sistemie budzie vykonvać pradstaŭničyja funkcyi.
U prajekcie adznačajecca, što prezident abirajecca narodam na piać hadoŭ, a adna i taja sama asoba nie moža być prezidentam bolš za dva terminy na praciahu svajho žyćcia.
Miascovaje samakiravańnie
U varyjancie Kanstytucyi taksama prapanujecca źmianić padychod da miascovaha samakiravańnia: kiraŭnikoŭ miascovych vykankamaŭ ciapier buduć vybirać deputaty, vybranyja žycharami adpaviednych terytoryj.
Dla stvareńnia niezaležnaj sudovaj sistemy prapanujecca stvaryć Nacyjanalny saviet pravasudździa. Dźvie traciny jaho členaŭ buduć abiracca źjezdam sudździaŭ, a adna treć — kalehijaj advakataŭ. Hety orhan budzie vyrašać pytańni kadravych pryznačeńniaŭ sudździaŭ.
Taksama prapanujecca ŭzmacnić rolu Nacyjanalnaha banka.
Mova, hierb i ściah
U prajekcie Kanstytucyi ŭ jakaści dziaržaŭnych moŭ nazvanyja biełaruskaja i ruskaja movy, ale ź pierśpiektyvaj dla biełaruskaj jak adzinaj dziaržaŭnaj.
«Pavažajučy prava kožnaha vybirać movu znosin, dziaržava ažyćciaŭlaje miery pa pašyreńni vykarystańnia biełaruskaj movy dla nastupnaha nadańnia joj u Kanstytucyi statusu adzinaj dziaržaŭnaj movy», — havorycca ŭ prajekcie.
U jakaści dziaržaŭnaha ściaha ŭ prajekcie prapanujecca BČB, u jakaści hierba — «Pahonia», u jakaści devizu — «Žyvie Biełaruś!».
Adukacyja i achova zdaroŭja
U prajekcie prapisany akademičnyja svabody i aŭtanomii dla VNU, a taksama prava na stvareńnie orhanaŭ studenckaha samakiravańnia.
Što tyčycca achovy zdaroŭja, jak i ŭ dziejnym varyjancie, biełarusam harantujecca prava na achovu zdaroŭja, uklučajučy biaspłatnaje lačeńnie ŭ dziaržaŭnych ustanovach achovy zdaroŭja.
Śmiarotnaje pakarańnie
U prajekcie Kanstytucyi śmiarotnaje pakarańnie zabaronienaje.
