U Kijevie kala ofisa prezidenta Ukrainy Uładzimira Zialenskaha prajšła akcyja ŭ padtrymku asudžanaha eks-kiraŭnika adeskaj jačejki «Pravaha siektara» Siarhieja Ściarnienki.
Udzielniki akcyi z fajerami, dymavymi šaškami i pietardami vyjšli z patrabavańniem adpuścić Ściarnienku, a taksama zvolnić hienieralnaha prakurora krainy Irynu Vieniedyktavu i ministra ŭnutranych spraŭ Arsiena Avakava.
Mitynhoŭcy zakidali budynak piratechnikaj, ablili jaho čyrvonaj farbaj, a taksama sprabavali padpalić nadpis «Prezident Ukrainy».
Namieśnik kiraŭnika MUS Anton Hieraščanka nazvaŭ akcyju chulihanstvam. Pavodle jaho słoŭ, «peŭnyja asoby» ź liku mitynhoŭcaŭ chočuć spravakavać palicyju na prymianieńnie siły. Jon dadaŭ, što supracoŭniki pravaachoŭnych orhanaŭ fiksujuć usie parušeńni i buduć prymianiać siłu tolki da tych, chto parušaje zakon.
