U milicyi prakamientavali zatrymańnie 38-hadovaj Volhi Załatar, šmatdzietnaj maci. Jana trapiła na Vaładarku, na nastupny dzień sudździa Kaciaryna Novikava adpraviła na sutki jaje muža.
«Za aktyŭnuju pratesnuju dziejnaść u dačynieńni da jaje raspačataja kryminalnaja sprava.
38-hadovaja žycharka pasiołka Ždanovičy źjaŭlałasia administrataram miascovaha dvarovaha čata i arhanizataram niesankcyjanavanych masavych mierapryjemstvaŭ, tak zvanych «čajavańniaŭ», «prahułak», «kancertaŭ». Hetyja mierapryjemstvy žančyna arhanizoŭvała ź leta minułaha hoda i źjaŭlałasia ich aktyŭnym udzielnikam», — paviedamlaje milicyja.
18 sakavika žycharku Ždanovičaŭ Minskaha rajona Volhu Załatar zatrymaŭ HUBAZiK. Hetaje ŭpraŭleńnie milicyi, jakoje maje zajmacca arhanizavanaj złačynnaściu i karupcyjaj, za apošni hod pieraklučyłasia na palityčnyja spravy. Pa słovach susiedziaŭ, siłavikoŭ było kala dziesiaci.
Čytajcie taksama: Maci-hierainia. Piaciora dziaciej zastalisia z babulaj paśla zatrymańnia baćkoŭ za palityku
