Fota NAK
Viktar Łukašenka zajaviŭ, što ŭ tym, što tyčycca spartsmienaŭ, MAK nie pajšoŭ na abvastreńnie adnosin.
— My stanoŭča adznačajem toje, što mižnarodnaja struktura nie pajšła na abvastreńnie adnosin i našy spartsmieny vystupajuć pad našym ściaham, budzie hučać naš himn. Ja dumaju, heta samaje važnaje i astatniaje ŭžo druhasnaje, — skazaŭ jon.
— Što tyčycca ŭ cełym situacyi pamiž NAK Biełarusi i MAK, my ź imi zaŭsiody byli ŭ dosyć blizkich znosinach. Tut varta skazać ab pierapracoŭcy Statuta NAK: vielmi šmat zroblena, vielmi šmat było pieramovaŭ, ruchu nasustrač adzin adnamu. Tut my taksama znajšli dastatkova kanstruktyŭny padychod i z boku MAK. Ale što tyčycca asobnych punktaŭ, viadoma, jany byli asabliva palityzavanyja. I ŭ budučyni my hetaje pytańnie vyrašym. Spadziajomsia, što heta budzie dvuchbakovy ruch, bo raniej takoha ruchu nie nazirałasia. Usiu infarmacyju, jakaja była patrebna dla MAK, my pradstalali, vybary ŭ NAK u nas praviedzieny vyklučna pa našym statucie, — skazaŭ jon, adznačyŭšy, što biełaruski bok nie bačyć pieradumoŭ dla abvastreńnia situacyi.
Nahadajem, što 8 sakavika Mižnarodny alimpijski kamitet abviaściŭ ab padaŭžeńni sankcyj u dačynieńni da NAK Biełarusi. Jon nie pryznaŭ Viktara Łukašenku prezidentam, a Dźmitryja Baskava — členam vykankama.
