«Biełsat»
Pavodle viersii abvinavačvańnia, Dzianis Čykaloŭ uviečary 9 žniŭnia prybyŭ u stalicu z Homiela, kab «pryniać aktyŭny ŭdzieł u niesankcyjanavanych masavych mierapryjemstvach, jakija adbyvajucca ŭ centralnaj častcy stalicy».
Čykaloŭ, zhodna z materyjałami spravy, «ź inšymi asobami ihnaravaŭ zakonnyja patrabavańni supracoŭnikaŭ pravaachoŭnych orhanaŭ, hruba parušaŭ hramadski paradak, vykrykvaŭ roznyja łozunhi i ruchaŭsia, u tym liku ŭ «sčepcy», pa vulicach Mielnikajcie, Zasłaŭskaj, a taksama praśpiektach Pieramožcaŭ i Mašerava ŭ stalicy».
Dziejańni Čykalova nibyta spryjali błakavańniu ruchu transpartu, była parušanaja praca hramadskaha transpartu. Pry sabie ŭ hamialčanina byli vyjaŭlenyja nož, śpirtnoje i elemienty abarony. Byŭ kanfiskavany taksama mabilny telefon, u jakim pravaachoŭniki znajšli videazapisy i pierapisku, u jakim nibyta «abvinavačany vykazvaje svoj namier udzielničać u dziejańniach, jakija hruba parušajuć hramadski paradak».
Dzianis Čykaloŭ vinu nie pryznaŭ.
