Dzień Voli ŭ Minsku ŭ 2019 hodzie
U HUUS Minskaha harvykankama arhumientavali svaju admovu tym, što na fonie pandemii karanavirusa i zaklikaŭ šerahu «ekstremisckich telehram-kanałaŭ» vychodzić na vulicy praviadzieńnie masavaha mierapryjemstva nie ŭjaŭlajecca mahčymym.
Apratestavać rašeńnie ŭ sudzie da 25 sakavika nierealna praz abmiežavanyja terminy, miarkuje Kastusioŭ, i heta aznačaje, što aficyjny dazvoł harvykankama zajaŭniki naŭrad ci atrymajuć.
9 sakavika BSDP (Hramada), ruch «Za Svabodu» i hramadskaja arhanizacyja BNF «Adradžeńnie» padali ŭ Minharvykankam zajaŭku na praviadzieńnie šeścia i mitynhu.
Napiaredadni ŭ Minsku zatrymali staršyniu BSDP Ihara Barysava. Jon dastaŭleny ŭ izalatar na Akreścina i čakaje suda pavodle administracyjnaj spravy.
Nie šmat aptymizmu i ŭ kiraŭnika Partyi BNF Ryhora Kastusiova. U razmovie sa «Svabodaj» jon nie vyklučyŭ, što nastupnym u liku zatrymanych moža apynucca abo jon, abo inšy zajaŭnik Juraś Hubarevič.
