Fota Nadziei Bužan
Adznačajecca, što z 1 sakavika ŭ adpaviednaści z novym administracyjnym zakanadaŭstvam praduhledžana mahčymaść pryciahnieńnia ŭłaśnikaŭ transpartnych srodkaŭ da adkaznaści za ŭsie parušeńni suprać biaśpieki ruchu i ekspłuatacyi transpartu na padstavie ich fiksacyi admysłovymi techničnymi srodkami, jakija pracujuć u aŭtamatyčnym režymie.
Akramia fotafiksacyi pieravyšeńnia chutkaści i praviłaŭ spynieńnia/stajanki arhanizavana pryciahnieńnie da adkaznaści za kiravańnie biez techahladu.
Kamiery fiksujuć fakt udziełu transpartnaha srodku ŭ darožnym ruchu, raspaznajuć rehistracyjny znak i źviarajuć jaho z bazaj danych AIS «Biełtechahlad» na najaŭnaść dazvołu na dopusk da ŭdziełu ŭ darožnym ruchu.
Pry adsutnaści dazvołu ŭ dačynieńni da ŭłaśnika vynosicca adpaviednaja pastanova. Kali parušeńnie zafiksavana ŭpieršyniu, uładalnik vyzvalajecca ad administracyjnaj adkaznaści z vyniasieńniem jamu papiaredžańnia. U nastupny raz ułaśnik budzie pryciahnuty da adkaznaści ŭ vyhladzie štrafu ŭ pamiery 0,5 bazavaj vieličyni (siońnia 14,5 rubla). Pry hetym da adkaznaści pryciahvajecca jak fizičnaja, tak i jurydyčnaja asoba-ŭłaśnik abo ŭładalnik transpartnaha srodku.
U adpaviednaści z pałažeńniami novaha KaAP, kali kamiery zafiksujuć niekalki takich parušeńniaŭ na praciahu sutak (z 00:00 da 23:59), ułaśnik transpartnaha srodku budzie pryciahnuty da administracyjnaj adkaznaści tolki adzin raz.
U vypadku niazhody z pryniatym rašeńniem, jano moža być abskardžana ŭ padraździaleńnie DAI pa miescy žycharstva na praciahu miesiaca z dnia atrymańnia kopii pastanovy.
