Fota Nadziei Bužan.
U Vialikabrytanii sa śniežnia minułaha hoda da lutaha zachvorvańnie na mijakardyt u katoŭ pavialičyłasia z 1,4% da 12,8%. Heta jakraz supała z uspyškaj novaha brytanskaha štama. Tamu navukoŭcy pravieryli, ci źviazanyja pamiž saboj hetyja padziei, paviedamlaje navukovy časopis Science.
Ekśpierty daśledavali vosiem kotak i try sabaki, jakija raniej nie mieli sardečna-sasudzistych zachvorvańniaŭ, ale ŭ jakich źjavilisia takija simptomy, jak strata apietytu, słabaść, pačaščanaje dychańnie i navat strata prytomnaści. Łabaratornyja testy vyjavili ŭ žyvioł sardečnyja anamalii, siarod jakich nierehularnaje sercabićcio i vadkaść u lohkich — simptomy, jakija mohuć naziracca ŭ pacyjentaŭ z kavidam.
Siami žyviołam zrabili test na karanavirus, i try ź ich pakazali stanoŭčy vynik — usie z brytanskim štamam. Taksama vyjaviłasia, što dźvie žyvioły ŭžo pierachvareli, bo ŭ ich znajšli antycieły.
Niekalki vypadkaŭ niadaŭna znajšli i ŭ ZŠA. Kali ŭ žychara Techasa znajšli karanavirus, vyjaviłasia, što 5 z 11 jaho kotak taksama zarazilisia brytanskim štamam.
Navukoŭcy miarkujuć, što infikavanyja chatnija žyvioły čaściej za ŭsio pieranosiać chvarobu bieśsimptomna ci ŭ lohkaj formie. Pakul što jany amal nie ŭpłyvajuć na raspaŭsiudžvańnie karanavirusa siarod ludziej. Adnak z ulikam raźvićcia mutacyj virusa heta moža źmianicca.
