U Viciebsku na 77-m hodzie žyćcia pamior nastaŭnik adzinaha ŭ historyi biełaruskaha boksa alimpijskaha čempijona Viačasłava Janoŭskaha, zasłužany trenier SSSR i Biełarusi, hanarovy hramadzianin Viciebska, kavaler ordena «Znak Pašany» Valeryj Kandracienka, paviedamili BiełTA ŭ pres-słužbie Biełaruskaj fiederacyi boksa.
Valeryj Kandracienka naradziŭsia 4 vieraśnia 1944 hoda ŭ Tahanrozie, pierajechaŭ u Viciebsk, dzie treniravaŭsia pad kiraŭnictvam viadomaha ajčynnaha treniera Abrama Bryna. U 1969 hodzie vykanaŭ narmatyŭ majstra sportu SSSR, u 1972 hodzie skončyŭ Biełaruski dziaržaŭny instytut fizičnaj kultury.
Ad 1984 da 1989 hoda Valeryj Kandracienka pracavaŭ staršym trenieram zbornaj BSSR pa boksie. Ad 1985 hoda pracavaŭ trenieram u SDIUŠAR Viciebskaha abłsavieta «Dynama».
Valeryj Kandracienka byŭ udastojeny zvańniaŭ zasłužanaha treniera BSSR, zasłužanaha treniera SSSR, hanarovaha hramadzianina Viciebska.
