Sudździa Dźmitryj Łukaševič pryznaŭ jaho vinavatym i pastanaviŭ pakarać Kubarava 7 hadami pazbaŭleńnia voli z adbyvańniem u kałonii ŭzmocnienaha režymu. Mienavita takoje pakarańnie napiaredadni zaprasiła pamočnica prakurora Alina Kaśjančyk, paviedamlajuć pravaabaroncy.
11 žniŭnia Dźmitryj byŭ žorstka zatrymany i dastaŭleny ŭ SIZA KDB. U noč z 11 na 12 žniŭnia tam ža padpisaŭ jaŭku z pryznańniem viny. U jaho kvatery prajšoŭ vobšuk, paśla jakoha ŭ jaho kanfiskavali rupar, miedykamienty, vadu, techniku (telefon, noŭtbuk), kanistry z rastvaralnikam i škipinar, jaki vykarystoŭvaŭsia dla ramontu kvatery. Z taho momantu (7 miesiacaŭ) jon utrymlivajecca pad vartaj. Na sudzie Dźmitryj nie pryznaŭ svaju vinu i zajaviŭ pra katavańni paśla zatrymańnia.
Dźmitryj pryznany palityčnym źniavolenym. Jon razam z advakatam płanuje abskardžvać vyniesieny prysud.
Palitviazień u apošnim słovie: Dla mianie honar stajać u adnym šerahu ź Cichanoŭskim
