Historyja Habryeły — adna z troch, zanatavanych śpiecyjalna dla biełaruskaj moładzi ŭ miežach prajekta «Pieršyja» ad A1. «Pieršyja» — konkurs idej dla staršakłaśnikaŭ, dzie im prapanujecca padumać pra toje, jak palepšyć jakaść žyćcia, zrabić bolš zručnym asiarodździe, vyrašyć łakalnyja prablemy. Bolš pra sam konkurs vy možacie daviedacca tut, da kanca krasavika jašče možna paśpieć padać zajaŭku. U miežach cykła majstar-kłasaŭ dla prakačvańnia skiłoŭ udzielnikaŭ prajekta zapłanavanyja i vystupy pa temie Girl power, kab natchnić dziaŭčat nie bajacca, vieryć u siabie, stvarać i iści da svajoj mary. Ale da strymu, jaki adbudziecca ab 11-j hadzinie 3 krasavika na videaservisie VOKA, zmoža dałučycca kožny achvotny.
Śpikierki — try aŭstryjki, kožnaja ź jakich dasiahnuła vyšyniaŭ u svajoj śfiery i ździejśniła maru, niahledziačy na pieraškody.
Habryeła Domšyc, uvachodziačy ŭ top-mieniedžmient hihanckaj arhanizacyi na 15 000 supracoŭnikaŭ, spryčyniłasia da taho, što Viena šmat hadoŭ trymała lidarstva ŭ mižnarodnych rejtynhach haradoŭ, najbolš prydatnych dla žyćcia. «Kali niechta kaža vam, što ŭ svaim pracoŭnym žyćci nikoli nie sutykaŭsia z rasčaravańniem, — nie viercie hetamu čałavieku, bo tak nie byvaje. Zaŭsiody moža zdarycca paraza, prychodzicca adstupać, ale treba ŭmieć, parazvažaŭšy nad takim zdareńniem, zrabiŭšy vysnovy, zachavać hety dośvied u pamiaci — i ruchacca napierad», — zaścierahaje jana.
Silvija Šantl, jakaja atrymała ŭ Ńju-Jorku premiju «Tajms-skvier» jak najlepšaja aktrysa, a taksama znajšła siabie ŭ trenierstvie — siońnia jana vučyć biznesoŭcaŭ upeŭniena trymacca i rabić pravilnaje ŭražańnie na aŭdytoryju. Silvija z samaha dziacinstva išła da svaich metaŭ nasupierak usiamu. U škole jana była aŭtsajdarkaj: adznaki byli kiepskimi, a inšyja dzieci staralisia trymacca ad jaje padalej. «Ź mianie kpili, ź mianie śmiajalisia, heta było žudasna. Paźniej ja pastarałasia zabyć, kolki raz ja zasypała ŭviečary ŭsia ŭ ślazach», — zhadvaje jana. A repietytarka pa matematycy joj adnojčy zajaviła: «Ź Silvii Šantl u hetym žyćci nikoli ničoha nie atrymajecca». Tym nie mienš, siońnia Silvija adčuvaje siabie biaźmierna ščaślivaj i całkam realizavanaj.
«Ja zapomniła nazaŭsiody adnu reč: kamunikacyja, jakaść našych znosin, toje, jak ty razmaŭlaješ z saboju dy inšymi ludźmi, — heta vyrašalny faktar u našym žyćci. I ja navučyłasia: čym bolš uvahi ja nadaju tamu, jak vybudoŭvaju svaju kamunikacyju, tym lahčej mnie ŭpłyvać na dalejšaje raźvićcio padziej», — daje paradu Silvija.
I Ulryka Chasłaŭer, jakaja zbudavała paśpiachovuju kampaniju ŭ pieravažna mužčynskim biznesie — elektratechničnaj pramysłovaści. «Kali ja naradziłasia i brat pieršy raz ubačyŭ mianie, to spytaŭ baćkoŭ, ci nielha pamianiać mianie na jakuju-niebudź svojskuju žyviołu. Na ščaście, baćki nie pahadzilisia, ale tak u mianie adbyŭsia, badaj, pieršy ŭ maim žyćci kanflikt z mužčynam», — zhadvaje jana dziacinstva. Baćka Ulryki nie vieryŭ, što dačce ŭdasca raźvić i pašyryć jaho biznes, jon nastojliva raiŭ joj znajści sabie inšy zaniatak. Ale kali jaho raptoŭna nie stała, 20-hadovaja Ulryka ŭznačaliła siamiejny biznes. I siońnia heta adno ź viadučych aŭstryjskich pradpryjemstvaŭ u halinie elektraabstalavańnia.
Što raić Ulryka? Vučycca! «Adukacyja, prafiesijnaja adukacyja — hety šlach viadzie nas da ŭpeŭnienaści ŭ siabie, u svaich siłach. Pastajannaje navučańnie dazvalaje vam mieć pieravahu ŭ viedach, a značyć, adčuvać upeŭnienaść u svaich zdolnaściach, jakaja nam tak patrebna», — akcentuje jana.
Chočacie daviedacca žyćciovyja historyi hetych hieraiń, pačuć ich parady, pieraniać ich dośvied, natchnicca? Tady zanoście sabie ŭ kalandar padzieju: 3 krasavika, 11:00, biaspłatny majstar-kłas Girl power u anłajnie na videaservisie VOKA. Anłajn-sustreča adbudziecca pry padtrymcy Pasolstva Aŭstryi ŭ Biełarusi ŭ ramkach adukacyjnaj prahramy prajekta «Pieršyja». Uklučajciesia, budzie cikava!
