Takim čynam, prajektam zakona prapanujecca nadzialić Apieratyŭna-analityčny centr pry prezidencie RB pravam prymać rašeńni ab prypynieńni abo abmiežavańni funkcyjanavańnia sietak elektrasuviazi i srodkaŭ elektrasuviazi, jakija ŭvachodziać u ich, u adznačanych zakonaprajektam vypadkach.
Apierataram pryjdziecca vykonvać ukazańni AAC, za straty karystalnikam adkaznaści nie budzie.
«Ustanaŭlivajecca, što nievykanańnie apieratarami elektrasuviazi patrabavańniaŭ AAC, jakija źmiaščajucca ŭ prymajemych u adpaviednaści z zakonam Respubliki Biełaruś «Ab elektrasuviazi» rašeńniach, pryznajecca hrubym parušeńniem zakanadaŭstva ab licenzavańni ŭ halinie suviazi. Adnačasova zamacoŭvajecca, što da apierataraŭ elektrasuviazi nie prymianiajucca miery, praduhledžanyja zakanadaŭstvam ab licenzavańni za nievykanańnie licenzijnych patrabavańniaŭ i ŭmoŭ, kali takija parušeńni ŭźnikli ŭ vyniku pryniaćcia nazvanych rašeńniaŭ. Taksama adznačajecca, što prypynieńnie abo abmiežavańnie funkcyjanavańnia sietak elektrasuviazi i srodkaŭ elektrasuviazi, jakija ŭvachodziać u ich, pa rašeńni AAC nie źjaŭlajecca padstavaj dla ŭźniknieńnia adkaznaści apieratara elektrasuviazi za straty, pryčynienyja karystalnikam pasłuh elektrasuviazi ŭ vyniku takich dziejańniaŭ».
Ciapier zakon «Ab elektrasuviazi» dazvalaje prypyniać abo abmiažoŭvać dostup da suviazi i internetu ŭ Biełarusi tolki «pry ŭźniknieńni nadzvyčajnych situacyj, uviadzieńni nadzvyčajnaha abo vajennaha stanovišča».
