Staršynia ŭrada RF Michaił Mišuścin 16 krasavika naviedaje z rabočym vizitam Biełaruś i praviadzie ŭ Minsku pieramovy z premjer-ministram Ramanam Hałoŭčankam. Pra heta paviedamlaje pres-słužba rasijskaha kabinieta ministraŭ, piša TASS.
«Kiraŭniki ŭradaŭ abmiarkujuć aktualnyja pytańni rasijska-biełaruskaha handlova-ekanamičnaha supracoŭnictva, uzajemadziejańnia ŭ enierhietyčnaj, pramysłovaj, transpartnaj i sielskahaspadarčaj halinach. Asablivaja ŭvaha budzie nadadziena pierśpiektyvam naroščvańnia intehracyi ŭ ramkach sajuznaj dziaržavy», — havorycca ŭ paviedamleńni.
Rasija — asnoŭny handlovy partnior Biełarusi. Dola Rasijskaj Fiederacyi ŭ biełaruskim tavarazvarocie z usimi krainami śvietu — kala 50%. Dola Biełarusi ŭ zamiežnahandlovym zvarocie Rasii — kala 5%, jana zajmaje čaćviortaje miesca siarod handlovych partnioraŭ Rasii ŭ śviecie i pieršaje — siarod krain SND.
U 2020 hodzie zamiežnahandlovy zvarot Rasii i Biełarusi z pryčyny pandemii karanavirusa i hłabalnaha zapavolvańnia ekanamičnaha raźvićcia źniziŭsia na 17,3%, da $29,5 młrd. Rasijski ekspart skłaŭ $16,4 młrd (źnižeńnie na 25,6%), impart ź Biełarusi — $13,1 młrd (źnižeńnie na 4%). Handlova-ekanamičnyja suviazi ź Biełaruśsiu padtrymlivajuć bolš za 80 subjektaŭ Rasijskaj Fiederacyi.
Rasija tryvała ŭtrymlivaje pieršaje miesca pa nazapašanych inviestycyjach u biełaruskuju ekanomiku. U 2020 hodzie jany pieravysili $4 młrd. U Biełarusi dziejničaje amal 2,5 tys. kampanij z udziełam rasijskaha kapitału.
