Skryni, jakija znajšli na składzie ŭ horadzie Sučžou

Skryni, jakija znajšli na składzie ŭ horadzie Sučžou

Na kitajskich handlovych anłajn-płatformach možna nabyć «ślapuju skryniu» dla chatnich žyvioł — pakupnik nie budzie viedać, jakuju žyviołu jon atrymaje. Takija skryni kaštujuć usiaho niekalki dalaraŭ, a ŭnutry moža być chamiak, čarapacha, kaciania, ščania ci inšyja chatnija žyvioły, piša The New York Times.

Niesankcyjanavanaja pieravozka žyvych žyvioł u Kitai zabaronienaja, ale heta nie pieraškadžaje pastaŭščykam ładzić tanny prodaž takich skryń i abiacać chutkuju dastaŭku prosta dadomu. I takaja praktyka stanovicca ŭsie bolš raspaŭsiudžanaj.

Mnohija žyvioły ŭ vyniku pamirajuć, pakutujuć ad infiekcyj abo paškodžańniaŭ orhanaŭ padčas dastaŭki pa paštovaj sistemie Kitaja.

U vieraśni minułaha hoda hrupa pa vyratavańni žyvioł paviedamiła, što 5000 sabak, kotak i trusoŭ byli znojdzienyja pakinutymi ŭ paštovych skryniach na składzie ŭ pravincyi Chenań. Kali vałanciory kinulisia ratavać žyvioł, 4000 ź ich užo byli miortvymi.

U hetym miesiacy paštovaja administracyja kitajskaha horada Sučžou znajšła miortvych žyvioł u 13 pasyłkach, jakija musili być dastaŭlenyja ŭ pravincyju Cziansu. A krychu raniej ratavalniki žyvioł znajšli 160 skryń z kacianiatami i ščaniatami na sudnie ŭ horadzie Čendu. Hetyja vypadki vyklikali admoŭnuju reakcyju ŭ kitajskaha hramadstva.

Praktyka «ślapych skryń» u Kitai pačałasia z komiksaŭ, adzieńnia, kaśmietyki i inšych pradmietaŭ. Miarkujecca, što takija skryni abiacajuć efiekt niečakanaści i mahčymaść atrymać kalekcyjnuju reč. U vyniki takaja kancepcyja stała ŭ Kitai prybytkovym biznesam, bo cikaŭnaść ludziej stymuluje prodaž. Adnak niekatoryja pastaŭščyki z pradmietaŭ pieraklučylisia na chatnich žyvioł. Tyja, chto zamaŭlajuć takuju skryniu, majuć šaniec atrymać redkuju parodu žyvioły za zusim nizkuju canu.

Abaroncy žyvioł zaklikajuć spynić dastaŭku chatnich žyvioł pa pošcie. Heta nie tolki biesčałaviečnaje abychodžańnie z žyviołami, ale i ŭjaŭlaje saboj ryzyku dla hramadskaha zdaroŭja, bo žyvioły nie prachodziać adpaviednuju siertyfikacyju pierad adpraŭkaj, a tamu mohuć być pieranosčykami niebiaśpiečnych dla čałavieka chvarob.

Paśla raskrytych vypadkaŭ z handlovych sajtaŭ pačali źnikać abjavy pra prodaž chatnich žyvioł u «ślapych» skryniach. Infarmacyja pra masavyja śmierci chatnich žyvioł źjaviłasia navat u dziaržaŭnych kitajskich ŚMI. Ciapier hetymi vypadkami budzie zajmacca palicyja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?