Daśledčyki z Łondana navučyli sabak znachodzić infikavanych karanavirusam. Ludzi, jakija chvarejuć na kavid, majuć admietny pach, jaki navučanyja sabaki mohuć vyjaŭlać z vysokaj dakładnaściu, piša The Guardian.
U daśledavańni ŭziali ŭdzieł šeść navučanych sabak. Jany zmahli pastavić dyjahnaz mienš čym za siekundu. Vyjaviłasia, što žyvioły pravilna identyfikujuć 94 z kožnych 100 infikavanych ludziej. Sabaki mahli znachodzić kavid navat na adzieńni, jakoje nasili chvoryja na karanavirus.
Bolš za toje, sabaki biespamyłkova vyznačali ludziej ź bieśsimptomnymi vypadkami.
Lepš za ŭsio dla vyjaŭleńnia karanavirusa navučajucca spanieli, retryviery i łabradory. Hetyja parody lubiać štości šukać, a taksama im padabajecca pracavać u hramadskich miescach, adznačajuć daśledčyki.
Navučańnie sabaki znachodzić chvorych na karanavirus zajmaje ad vaśmi da dziesiaci tydniaŭ. Dla daśledavańnia navukoŭcy vykarystoŭvali elemienty adzieńnia, achviaravanyja pacyjentami, jakija mieli stanoŭčy vynik na kavid. Za pravilnaje vyjaŭleńnie stanoŭčych vypadkaŭ abo ihnaravańnie admoŭnych sabak uznaharodžvali jakim-niebudź łasunkam.
Viadoma, što sabaki nie zmohuć zamianić PCR-testy, ale jany mohuć być vielmi karysnymi ŭ hramadskich miescach, naprykład aeraportach, kab chutka praviarać pasažyraŭ na najaŭnaść karanavirusa. Prablema ŭ tym, što navučańnie sabak zajmaje šmat času, a taksama treba pastajanna znachodzić adzieńnie, jakoje nosiać infikavanyja i nieinfikavanyja ludzi.
