Fota The Wall Street Journal
Kabina pieravoziła ludziej pa kanatnaj darozie z kurortnaha horada Streza na haru Matarone. Dakładnaja pryčyna trahiedyi nieviadomaja, ale, pa słovach vidavočcaŭ, abarvaŭsia mietaličny tros, da jakoha prymacoŭvajucca kabiny, paviedamlaje The Wall Street Journal.
Achviarami stali 14 čałaviek, ale ratavalniki papiaredžvajuć, što kolkaść zahinułych moža pavialičycca. U kabinie było dvoje dziaciej, jakich adrazu dastavili ŭ špital. Adnak dzieviacihadovaje dzicia pamierła ad šmatlikich traŭm.
Kabina była raźličanaja na 40 čałaviek, ale pakul nieviadoma, kolki dakładna ludziej tam znachodziłasia ŭ momant avaryi.
Hetuju kanatnuju darohu adkryli ŭ 1970 hodzie, a pamiž 2014 i 2016 jaje zakryvali dla praviadzieńnia ramontnych rabot. Darohu adkryli zusim niadaŭna paśla skasavańnia karancinnych abmiežavańniaŭ u Italii.
