Biełaruski nacyjanalny ściah siarod štandaraŭ krain-udzielnic Čempijanatu śvietu pa chakiei ŭ Ryzie. Fota z tvitara mera Ryhi
Reakcyju Minska vyklikała situacyja ŭ Ryzie, dzie siońnia mer horada zamianiŭ u šerahu ściahoŭ krain-udzielnic Čempijanatu śvietu dziaržaŭny čyrvona-zialony ściah na biełaruski nacyjanalny bieł-čyrvona-bieły.
Vostruju reakcyju Minska mahli vyklikać taksama słovy, jakija mer Ryhi napisaŭ u svaim tvitary: «Ściah, jaki simvalizuje režym, jaki ažyćciaŭlaje dziaržaŭny teraryzm, niedarečny ŭ haradskim asiarodździ Ryhi — tamu my jaho źniali!»
Čytajcie taksama: U Ryzie padčas praviadzieńnia ČS pa chakiei zamianili dziaržaŭny ściah na nacyjanalny bieł-čyrvona-bieły
Pasłu Łatvii prapanavana pakinuć Biełaruś na praciahu sutak.
«Ambasadaru prapanavana pakinuć Biełaruś na praciahu 24 hadzin. Usiamu dypłamatyčnamu i administracyjna-techničnamu składu pasolstva taksama prapanavana pakinuć Biełaruś — na praciahu 48 hadzin. Pakinuć tut adnaho administracyjna-techničnaha supracoŭnika dla dohladu za budynkam», — skazaŭ ministr.
Taksama Makiej adznačyŭ, što kraina «hatovaja da simietryčnaha adkazu Łatvii na adjezd dypłamataŭ».
Jašče niadaŭna Łatvija mieła adny z najlepšych adnosin ź Minskam u ES i ličyłasia łabistam miakkaha staŭleńnia da Alaksandra Łukašenki. Heta źviazvali jak ź biznes-intaresami łatvijskich kampanij, tak i z žadańniem zabiaśpiečyć niejtralnaść Minska ŭ niaprostych adnosinach Ryhi i Maskvy. Łatvija i Biełaruś navat razam atrymali prava na praviadzieńnie Čempijanatu śvietu pa chakiei. Adnak adnosiny sapsavalisia paśla padziej 2020 hoda ŭ Biełarusi. Łatvija dałučyłasia da asudžeńnia parušeńnia pravoŭ čałavieka ŭ našaj krainie i padtrymała inicyjatyvu ab pieranosie čempijanatu ź Minska.
Ciapier ža, paśla pasadki ŭ Minsku samalota «Rajanejra», adnosiny Biełarusi z usimi susiedziami, akramia Rasii, uvajšli ŭ štopar.
Mer Ryhi ŭzdymaje biełaruski nacyjanalny ściah. Fota ź jaho tvitara
