Nahadajem, ambasadar Łatvii byŭ zaprošany ŭ Ministerstva zamiežnych spraŭ Biełarusi ŭ suviazi z «abrazaj dziaržaŭnaha ściaha Biełarusi» ŭ Ryzie. Pra heta zajaviŭ žurnalistam ministr zamiežnych spraŭ Biełarusi Uładzimir Makiej.
Reakcyju Minska vyklikała situacyja ŭ Ryzie, dzie siońnia mer horada zamianiŭ u šerahu ściahoŭ krain-udzielnic Čempijanatu śvietu dziaržaŭny čyrvona-zialony ściah na biełaruski nacyjanalny bieł-čyrvona-bieły.
Vostruju reakcyju Minska mahli vyklikać taksama słovy, jakija mer Ryhi napisaŭ u svaim tvitary: «Ściah, jaki simvalizuje režym, jaki ažyćciaŭlaje dziaržaŭny teraryzm, niedarečny ŭ haradskim asiarodździ Ryhi — tamu my jaho źniali!»
Čytajcie taksama: U Ryzie padčas praviadzieńnia ČS pa chakiei zamianili čyrvona-zialony ściah na nacyjanalny bieł-čyrvona-bieły
Pasłu Łatvii prapanavali pakinuć Biełaruś na praciahu sutak.
«Ambasadaru prapanavana pakinuć Biełaruś na praciahu 24 hadzin. Usiamu dypłamatyčnamu i administracyjna-techničnamu składu pasolstva taksama prapanavana pakinuć Biełaruś — na praciahu 48 hadzin. Pakinuć tut adnaho administracyjna-techničnaha supracoŭnika dla dohladu za budynkam», — skazaŭ ministr.
Taksama Makiej adznačyŭ, što kraina «hatovaja da simietryčnaha adkazu Łatvii na adjezd dypłamataŭ».
Mer Ryhi ŭzdymaje biełaruski nacyjanalny ściah. Fota ź jaho tvitara