Jeŭrasajuz zabaraniŭ biełaruskim avijakampanijam paloty ŭ krainy ES. Jeŭrapiejskim kampanijam rekamiendavana admovicca ad pierasiačeńnia pavietranaj prastory Biełarusi.
Jeŭrapiejski Saviet taksama patrabuje nieadkładnaha vyzvaleńnia Ramana Pratasieviča i Safii Sapieha, zaklikaje Mižnarodnuju arhanizacyju cyvilnaj avijacyi ŭ terminovym paradku rasśledavać hety incydent, prapanuje pryniać dalejšyja ekanamičnyja sankcyi, vykazaŭ salidarnaść z Łatvijaj u suviazi z vysyłkaj łatvijskich dypłamataŭ.
Rašeńnie pakul što nie ŭstupaje ŭ siłu, jano pavinna być jašče ŭzhodniena i zacvierdžana ŭ Radzie ES na ŭzroŭni ministraŭ.
Nahadajem, 23 maja nad terytoryjaj Biełarusi byŭ vymušany sieści rejs Ryanair, jaki lacieŭ z Afin u Vilniu. Samalotu daviałosia źmianić kurs i ździejśnić pasadku ŭ Minsku z-za paviedamleńnia ab bombie na borcie. U samalocie znachodziŭsia Raman Pratasievič. Paśla pasadki ŭ Minsku jaho zatrymali.
Rašeńni samitu ES pavinny być zacvierdžanyja Radaj ES na ŭzroŭni ministraŭ. Pakul jany nie nabyli moc. Pavodle infarmacyi «Našaj Nivy», sankcyi nabuduć moc 19 červienia.
