BiełTA
«Haračaje nadvorje zachavajecca ŭ niadzielu i paniadziełak. U dzionnyja hadziny 20 i 21 červienia pavietra prahrejecca da 30-32 hradusaŭ. Ratavalniki rekamiendujuć jak maha mienš znachodzicca pad pramymi soniečnymi pramianiami. Kali heta niepaźbiežna, to abaraniajcie hałavu kapielušami i parasonami, — raskazali ŭ MNS. — Pamiatajcie, što z 12.00 da 16.00 sonca najbolš aktyŭnaje. U hety čas pažadana zakryvać usie ŭčastki cieła ad soniečnych pramianioŭ: vykarystoŭvajcie zakrytaje adzieńnie z naturalnych tkanin i soncaachoŭnyja kremy. Picie bolš vadkaści, ale nie śpirtnoha. U haračyniu dziejańnie ałkaholu ŭzmacniajecca i arhanizm stanovicca bolš usprymalnym da vysokaj tempieratury. Picie chałodnuju vadu, zialeny čaj, kvas».
Varta abmiežavać doŭhija pajezdki na aŭtamabili. Kali takoj mahčymaści niama, budźcie maksimalna ŭvažlivymi na darozie, bo padčas haračyni moža pahoršycca samaadčuvańnie, raśsiejacca ŭvaha i źnizicca reakcyja. Nie pakidajcie adnych dziaciej u sałonie aŭtamabila navat na niadoŭhi čas. U haračyniu heta moža pryvieści da stanu nieprytomnaści dziciaci.
Kali vy płanujecie adpačynak kala vady, vybirajcie śpiecyjalna dazvolenyja miescy, u tym liku tyja, dzie dziažurać ratavalniki ASVOD. Dno vadajoma pavinna być čystym i niehłybokim, biez karčah, vodaraściej i hleju. Ahledźciesia, ci niama bitaha škła, vostrych kamianioŭ i inšych niebiaśpiečnych pradmietaŭ. Nazirajcie za dziećmi, kali jany hulajuć na bierazie, nie vypuskajcie ich z-pad uvahi.
Razvodzić vohniščy i smažyć šašłyki ŭ śpiecyjalnych prystasavańniach dla hatavańnia ježy (manhał, hryl, tandyr) nieabchodna ŭ śpiecyjalna adviedzienych dla hetaha miescach. Ich śpis vyznačajuć miascovyja orhany ŭłady. Kali razmova idzie pra daču ci pryvatny dom, to pierš za ŭsio treba pierakanacca, što miesca dla ŭstanoŭki manhała i vohnišča biaśpiečnaje, vyklučaje papadańnie iskraŭ i połymia na haručyja elemienty budynkaŭ, zbudavańniaŭ. Taksama pakłapaciciesia pra toje, kab pablizu nie było suchich halinak i ŭsiaho taho, što moža lohka zaharecca. Nu i viadoma, manhał abo vohnišča nielha pakidać biez nahladu, u tym liku na dziaciej. Paśla zakančeńnia hareńnia astatki materyjałaŭ pavinny być całkam patušany. Što datyčycca hatavańnia šašłykoŭ na bałkonie, heta kateharyčna zabaroniena. Vyklučeńnie składajuć tolki prybory, jakija pa instrukcyi dapuskajecca vykarystoŭvać u pamiaškańniach.
«Taksama źviarnicie ŭvahu na toje, što ŭ niekatorych rajonach krainy ŭviedziena zabarona na naviedvańnie lasoŭ. Vyvučycie infarmacyju ŭ mabilnym dadatku MNS Biełarusi «Dapamoha pobač» abo na karcie niespryjalnych źjaŭ, kali płanujecie naviedvać lasy, i admoŭciesia ad pachodu, kali ŭ vašym rajonie ŭviedziena zabarona. Bolš padrabiaznuju infarmacyju možna znajści ŭ raździele «Budź hatovy», — dadali ŭ viedamstvie.
