Paśla načnoj zalevy 2 lipienia sklepy, padvorki i aharody troch dvaroŭ u v. Skvarčycy Baranavickaha rajona apynulisia pad uražvalnym słojem hnoju, jaki miascovaja haspadarka źbirała pablizu ažno ź minułaha hoda. Hnojem zaliło navat chaty.

Karespandenty «Intex-press» zavitali ŭ Skvarčycy ŭ toj momant, kali pahruzčyki ź miascovaha kałhasa «Ahraščara» zdymali vierchni słoj karaviaka na pryvatnych padvorkach i viaskovaj vulicy.

«A ŭ aharodach ža ničoha nie źbiareš. Usio paprostu zharyć. A kali nie, dyk jak takuju bulbu budzieš jeści — jana ŭsia ŭ haŭnie», — aburajecca paciarpieły ad takoj niezvyčajnaj «pavodki» Leanid Vikienćjevič. Jahony najbolšy bol — maładyja jabłyńki małdaŭskich hatunkaŭ, los jakich ciapier nieviadomy: vyžyvuć — nie vyžyvuć. U jaho žonki Valanciny — inšy kłopat: «Maje kany (kvietki — aŭt.) mnie śpiecyjalna pryvozili znajomyja z Maskvy… Lilei — kožnaja pa 8 — 15 tysiač… Jany ŭžo prapaduć».

Razam z Valancinaj my ŭ humovikach minajem hradu z kłubnicami. Jahady taksama «ŭ šakaładzie».

«Kłubnicy adno raz paśpieła sabrać. Astatnija chtości vybraŭ bieź mianie. Ciapier užo nichto nie palezie, navat złodziej…», — sa skruchaju kaža Valancina.

U susiedziaŭ Leanida i Valanciny taksama zatapiła i novy (na hradach), i letašni (u sklepach) ŭradžai. Studni paciarpiełych viaskoŭcaŭ apłambavali sansłužby, zabaraniŭšy pić vadu. Na pytańnie: «Jak dalej budziecie žyć?» u hetych prostych ludziej znajšlisia vielmi prostyja adkazy. Vadu možna brać u susiedziaŭ praź piać chat. Pa pradukty — na rynak.

«Daviadziecca ciapier lamku ciahnuć… Čamu ž načalstvu było nie na horcy kala samych chat heta voziera žyžy rabić. Ale što kamu dakažaš, chto budzie słuchać? U nas zaŭsiody smurod stajaŭ, jak viecier padźmie. Nikomu niama dzieła. Skažuć: zatknisia, babka, što ty placieš?», — vyrakaje paciarpiełaja kabieta Zina.

 «Dabrom» pazalivała ludskija padvorki.

«Dabrom» pazalivała ludskija padvorki.

 I navat chaty.

I navat chaty.

 Biada pryjšła adtul.

Biada pryjšła adtul.

Intex-press

Клас
0
Панылы сорам
0
Ха-ха
0
Ого
0
Сумна
0
Абуральна
0