U vyniku masavych pratestaŭ u pravincyi Sińcdzian na zachadzie Kitaja zahinuła kala 140 čałaviek i bolej za 800 byli paranienyja, paviedamlajuć kitajskija dziaržaŭnyja srodki masavaj infarmacyi.
Pratest z udziełam 10 tysiač ujhuraŭ adbyŭsia 5 lipienia ŭ administracyjnym centry Sińcdzian‑Ujhurskaha aŭtanomnaha rajona horada Urumčy. Udzielniki patrabavali, kab ułady pakarali začynščykaŭ bojki, jakaja adbyłasia 26 červienia na zavodzie cacak pamiž chańcami i ujhurami ŭ horadzie Šaohuń.
Pa dadzienym infarmacyjnaha ahienctva Sińchua, palicyja adnaviła paradak, paśla taho jak «demanstranty pačali napadać na prachožych i padpalili niekalki aŭtamabilaŭ». Dla padaŭleńnia akcyi pratestu ujhur vajskoŭcy vykarystali ahniastrelnuju zbroju. Kala 140 čałaviek zahinuła, bolej za 800 byli paranienyja, niekalki sotniaŭ čałaviek aryštavana.
U pravincyi Sińcdziań žyvie kala 8 miljonaŭ ujhuraŭ. Užo niekalki dziesiacihodździaŭ ujhurskija sieparatysty zmahajucca z kitajskimi ŭładami. Čas ad času uźnikajuć masavyja pratesty i sutyčki ź milicyjaj.
