U honar śviata Kupalla ŭ restaranie «Rakaŭski Brovar» pryhatavali samy vialiki dranik u Biełarusi. Hety rekord, jaki byŭ pastaŭleny ŭ miežach prajekta «Rekordy relax», budzie nie tolki zaniesieny ŭ «Knihu rekordaŭ» prajekta, ale, jak adznačyli arhanizatary, była ideja padać zajaŭku na zaniasieńnie ŭ «Knihu rekordaŭ Hinesa».

 Fota aŭtara.

Fota aŭtara.

Praŭda, jak akazałasia, dranik-rekardsmien užo vyjaŭleny, ale kvadratnaj formy. Na heta arhanizatary adkazali biezapielacyjna: «Bulbašy sami pavinny vyrašać, jakoj formy rabić dranik».

Bolš za 20 restaranaŭ pryniali ŭdzieł u zmahańni za realizacyju rekorda. U zajaŭkach jany ŭkazvali maksimalny pamier taho dranika, jaki zmohuć pryhatavać. «Rakaŭski Brovar» nazvaŭ samy vialiki mahčymy dyjamietr — 1,7 m.

Pavodle pryznańnia šef-povara Alaksieja, samym składanym akazałasia pieraviarnuć stravu. A voś tajnu hihanckaj patelni, na jakoj hatavaŭsia «Brovarski» dranik, arhanizatary tak i nie raskryli, ale adznačyli, što ŭ realizacyi zadumy im dapamahaŭ Minski chlebakambinat. Ahułam spatrebiłasia kala 30 kiłahramaŭ bulby i 6 dziesiatkaŭ jajek. Na pryhatavańnie syšło 12 hadzinaŭ: kab pačastavać haściej u abied, šef-kuchar razam z kamandaj pačali hatavać jašče ŭnačy.

Zamierać daŭžyniu dranika daručyli rezidentu «Comedy Club Minsk Style» Vasilu Ancipavu. Dyjamietr skłaŭ 1,62 m, trochi nie daciahnuŭšy da zajaŭlenaj daŭžyni.

U miežach prajekta zarehistravana ŭžo 35 rekordaŭ, siarod jakich samy vialiki antykryzisny tort, samy vialiki kaktejl machita dy inšyja. U najbližejšych płanach arhanizataraŭ — znajści ŭ minskich restaranach samuju darahuju stravu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?