Vałdas Adamkus z Paŭłam Łatuškam.
U Vilni prachodziać śviatočnyja mierapryjemstvy ŭ honar 1000‑hodździa Litvy. Śviatkavańnie pačałosia z hanarovaha padniaćcia dziaržaŭnaha ściaha, a taksama troch vybuchaŭ z harmaty u honar karala Mindoŭha.
Dla ŭdziełu ŭ mierapryjemstvach u Vilniu pryjechali karali i prezidenty jeŭrapiejskich dziaržaŭ. Siarod haściej prezidenty Ukrainy Viktar Juščanka, Hruzii — Michaił Saakašvili, Isłandyi — Ułafur Rahnar Hrymsan, Finlandyi — Tarja Chałanien, Łatvii — Vałdys Zatlers, Polščy — Lech Kačyński, karol Narviehii Charald V, Šviecyi — Karł XVI Hustaŭ, karaleva Danii Marharyta II, premjer‑ministr Estonii Andrus Ansip.
Usich haściej u rezidencyi prymaŭ prezident Litvy Vałdas Adamkus z žonkaj Ałmaj Adamkienie.
Biełaruś na śviatkavańni pradstaŭlaje ministr kultury Pavieł Łatuška.Tydzień tamu padčas pieramovaŭ u Hrodna ź litoŭskim kaleham na 1000‑hodździe byŭ zaprošany premjer‑ministr Siarhiej Sidorski, ale ŭ jaho, peŭna, znajšlisia bolš pilnyja spravy.
Ministram kultury reprezientavanaja na ŭračystaściach i Rasija.