Ciopłaje nadvorje ŭ bližejšyja dni zachavajecca.
Plaž na Maldyvach.
U aŭtorak, 7 lipienia, nadvorje Biełarusi budzie abumoŭlenaje prachodžańniem atmaśfiernaha frontu, jaki nasoŭvajecca z Zachodniaj Jeŭropy. Čakajecca vobłačnaje z prajaśnieńniami nadvorje. Nočču miescami pa Viciebskaj, Hrodzienskaj i Minskaj abłaściach, dniom na bolšaj častcy terytoryi krainy karotkačasovyja daždžy. U asobnych rajonach navalnicy. Viecier paŭdniova-ŭschodni ŭmierany, pry navalnicach paryvisty. Tempieratura pavietra nočču +10..+16°S, pa paŭnočnym uschodzie +6..+9°S; dniom +18..+25°S, na paŭdniovym zachadzie da +28°S.
U sieradu, 8 lipienia, praz zachad Biełarusi čakajecca pasoŭvańnie chvalevaha cykłonu z poŭdnia Jeŭropy. Budzie vobłačna z prajaśnieńniami. Nočču miescami, dniom na bolšaj karotkačasovyja daždžy, u asobnych rajonach navalnicy. Dniom miescami mocnyja daždžy.
Viecier paŭdniovaj čverci umierany, dniom pry navalnicach mocny paryvisty. Tempieratura pavietra nočču +10..+17°S, dniom +19..+25°S, pa paŭdniovym uschodzie da +28°S.
9 lipienia cykłon źmieścicca na poŭnač Łatvii, a praź Biełaruś prahnazujecca prachodžańnie chałodnaha frantalnaha raździeła, źviazanaha z hetym cykłonam. Čakajecca vobłačnaje z prajaśnieńniami nadvorje. Nočču daždžy, u asobnych rajonach mocnyja. Dniom miescami karotkačasovyja daždžy.
U asobnych rajonach navalnicy. Viecier zachodni, paŭdniova-zachodni umierany, nočču pry navalnicach miescami mocny paryvisty. Tempieratura pavietra nočču +11..+18°S, dniem +19..+26°S.
