Ihar Andrejeŭ naradziŭsia ŭ 1952 hodzie ŭ Minsku, skončyŭ Teatralna-mastacki instytut jak akcior.
Bolšuju častku žyćcia pracavaŭ u Horkaŭskim teatry — jak akcior (u 1970-ja), namieśnik i pieršy namieśnik dyrektara.
Z apošniaj pasady syšoŭ letaś i znoŭ pracavaŭ akcioram.
Taksama źjaŭlaŭsia dyrektaram staličnaha Teatra junaha hledača (1985-1995) i Biełdziaržfiłarmonii (1999-2002).
Andrejeŭ mieŭ prabiełaruskuju pazicyju. Jon supracoŭničaŭ z «Biełsatam», u filmie «Kula dla KDB ad Vasila Bykava» syhraŭ rolu kłasika biełaruskaj litaratury.
«Byŭ ščaślivy ŭvasobić vobraz vialikaha piśmieńnika i čałavieka», — pisaŭ u sacyjalnych sietkach Andrejeŭ.
U listapadzie 2020 hoda, kali prachodzili akcyi pamiaci Ramana Bandarenki, jaho zatrymlivali razam z žonkaj u centry Minska.
