Na Akreścina jon znachodziŭsia ŭ niečałaviečych umovach, razam z kalehami, jakija pracavali na «Radyjo Svaboda» abvieściŭ navat haładoŭku. Voś što jon raskazaŭ pra svaje apošnija dni.
«Uvarvalisia ranicaj u kvateru. Hrukat u dźviery: ja adrazu padniaŭsia. Nie toje, kab čakaŭ, ale pradbačyŭ takoje.
Supracoŭniki ŭ cyvilnym ŭžo uvajšli ŭ tambur, ja adčyniaŭ dźviery spakojny, ale mianie schapili, adzin, zdajecca, skazaŭ: «SACHR!», choć sachraŭcaŭ u formie tam ja nie bačyŭ.
Druhi kaža: «Milicyja!» U kvateru ŭvarvałasia 7 čałaviek, na mianie nakinuli kajdanki. Praviali pieratrus, zabrali techniku i ŭsie najaŭnyja hrošy. Advieźli ŭ SK, ja admoviŭsia ad dačy pakazańniaŭ biez advakata. Vyklikali dziažurnaha abaroncu. I paśla 10 sutak na Akreścina.
Pa 342 artykule tut šmat. Taksama šmat ludziej pa «terarystyčnaj spravie» ab padryvie ŭ Vilejcy. Pa joj siadzieŭ doktar, jaki zajmaŭsia piejntbołam, niejki aśpirant BNTU… Zabirajuć usich, pry choć jakim padazreńni. Praŭda, paśla i adpuskajuć: viedaju, što i doktar, i aśpirant užo na voli».
Spačatku Hruździłoviča zaviali ŭ kamieru, dzie byŭ pravaabaronca Valancin Stefanovič, jany abnialisia, ale praz chvilinu žurnalista vyvieli ŭ inšuju kamieru. Tam byŭ našaniviec Andrej Skurko. «Jamu ciažka, jon insulinazaležny, maje prablemy sa zdaroŭjem», — tłumačyć Hruździłovič.
Paśla joj byŭ u adnoj kamiery z kaleham Aleham Daščynskim. Kali jany daviedalisia, što žurnalist Ina Studzinskaja trymaje haładoŭku, dałučylisia da jaje.
«Palityčnym nie vydajuć bializnu, matrasy. Kali ŭ kamieru da palityčnych traplajuć kryminalniki, u ich taksama zabirajuć matrasy.
Ad advakata ja daviedaŭsia, što nam pieradali pieradačy. Ale ich nam nichto nie addaŭ. Kazali: heta prydumki, što vam štości pieradali.
Na špacyr ci ŭ duš palityčnych taksama nie vodziać», — kaža Aleh. Pry hetym mihranty, jakich utrymlivajuć u susiednich kamierach, majuć paścielnuju bializnu, ich vyvodziać i na prahułki, i ŭ duš.