Rasijski sud dazvoliŭ vydać Biełarusi Andreja Kazimirava, fihuranta spravy ab «masavych biesparadkach» (art. 293 KK), niahledziačy na zabaronu Jeŭrapiejskaha suda pa pravach čałavieka (JESPČ). Rašeńnie ŭstupiła ŭ siłu siońnia, pišuć pravaabaroncy.

Kazimiraŭ padčas pratestaŭ byŭ paranieny humovaj kulaj u nahu. Jaho razam ź siabram zatrymali ŭ kramie 13 žniŭnia. Pa słovach advakata, Kazimirava bili ŭ mašynie, pakul vieźli ŭ adździeł milicyi, i ŭ adździaleńni, a praz dva dni ŭziali piśmovuju zajavu, što jon nie maje nijakich pretenzijaŭ da supracoŭnikaŭ milicyi, i adpuścili. U vieraśni Kazimiraŭ pakinuŭ Biełaruś, a 14 studzienia 2021 hoda jaho zatrymali ŭ Rasii.

Andrej — adziny zatrymany ŭ Rasii biełarus, jakoha rasijskija pravaabaroncy pryznali palitviaźniem.

Raniej JESPČ zabaraniŭ vydavać Biełarusi bajca Alaksieja Kudzina, adnak jaho ŭsie adno pieradali biełaruskim pravaachoŭnikam.

Клас
0
Панылы сорам
0
Ха-ха
0
Ого
0
Сумна
0
Абуральна
0