Jon adznačyŭ, što na Zachadzie čarhovy raz zaniepakoilisia biełaruska-rasijskimi vučeńniami, jakija projduć u vieraśni.

«Prynamsi śmiešna heta ŭsio čuć. Kolki vučeńniaŭ jany praviali ŭ našych miežach? Jany nas krytykujuć: voś Łukašenka choča raźmiaścić rasijskija bazy na terytoryi Biełarusi.

Słuchajcie, my ž nie parymsia z nahody taho, što jany stvaryli kuču hetych baz u Jeŭropie. ich ža mora tam, čaho vy nam pradjaŭlajecie pretenzii? — adznačyŭ Łukašenka. — Nikoli na ŭzroŭni prezidentaŭ pytańnie ab raźmiaščeńni rasijskich baz u Biełarusi nie abmiarkoŭvałasia. Pierš za ŭsio tamu, što ŭ hetym niama nijakaj nieabchodnaści pry sučasnych uzbrajeńniach».

Razam z tym jon zajaviŭ: «Kali treba budzie dla biaśpieki Sajuznaj dziaržavy, jakuju my budujem, dla biaśpieki Biełarusi i Rasii raźmiaścić tut usie ŭzbrojenyja siły z usimi vidami ŭzbrajeńniaŭ, jany buduć tut raźmieščany nieadkładna.

«Ciapier u hetym niama nijakaj nieabchodnaści, u nas dosyć mocnyja, zhurtavanyja, kampaktnyja Uzbrojenyja Siły. Akramia «terytaryjałaŭ», my možam u patrebny momant u karotki pramiežak času 500 tysiač čałaviek pastavić pad ružžo, a heta ŭžo siła. Kali budzie mała, siudy buduć uviedzieny ŭsie Uzbrojenyja Siły Rasijskaj Fiederacyi. Takoha nikoli nie budzie. Ale kali treba, my razvažać nie budziem».

«Jašče raz paŭtaraju: u hetym siońnia niama absalutna nijakaj nieabchodnaści. U vostry pieryjad u žniŭni minułaha hoda, kali niechta vahaŭsia, chtości zdradziŭ, niechta pad plintus zalez, u kahości ŭ mazhach kipieła, ja nie ŭvioŭ nijakija ŭzbrojenyja siły, ni z Rasii, ni z Ukrainy, ni ź inšych krain. My z hetaj biadoj spravilisia sami. Voś maja pazicyja», — padsumavaŭ Łukašenka

Клас
0
Панылы сорам
0
Ха-ха
0
Ого
0
Сумна
0
Абуральна
0