Biełaruś
Formu biełaruskim spartsmenam adšyvała fabryka «Soła-Pinsk». Jany ž rabili adzieńnie dla vałancioraŭ na II Jeŭrapiejskich hulniach.
Heta pieršy vypadak, kali ekipiroŭku dla našaj zbornaj na Alimpijadu vyrablaje ajčynnaja firma — raniej jaje zamaŭlali ŭ Adidas ci Fila, naprykład.
Asnoŭnymi kolerami stali bieły, błakitny i mientołavy. Takuju hamu abrali, bo jana lepš hladzicca ŭ teleefiry.
Rasija
Kłasičnuju spartyŭnuju formu zbornaj razbaŭlajuć uschodnija matyvy.
Pinžaki nahadvajuć kimano, a vyjava nacyjanalnaha ściaha — hihancki viejer. Na ŭnutranym baku kaściumaŭ namalavany abiareh z pažadańniem udačy.
ZŠA
Dla amierykancaŭ pa tradycyi formu raspracoŭvaŭ madeljer Ralf Łaren. Moda tut spałučajecca ź inavacyjami: u pinžakach ściahanoscaŭ ubudavany datčyk kantrolu tempieratury, kab spartsmeny nie pierahravalisia. A viatroŭki padobnyja da skafandra kasmanaŭta.
Forma šyłasia z paliesteru ź pierapracavanych butelek i bavoŭny, pafarbavanaj ź minimalnymi zatratami enierhii. Taki ŭkład dyzajniera ŭ ekałohiju.
A telezorka Kim Kardašjan vypuściła nižniuju bializnu i adzieńnie dla adpačynku dla spartoŭcaŭ. Jaje brend Skims užo raspačaŭ prodaž hetaj kalekcyi.
Italija
Italjanskich alimpijcaŭ apranaŭ dyzajnier Džordža Armani. Nie abyšłosia biez adsyłak da Japonii — naprykład, nadpis «Italija» na śpinie stylizavany pad ijerohlify. «Našy vojny hatovy da Tokia», — z takim słohanam prezientavali kalekcyju, paraŭnoŭvajučy spartsmenaŭ z samurajami.
Asnoŭnyja kolery ekipiroŭki — bieły i ciomna-sini. Plus hihanckaja vyjava ściaha. Adny krytyki ŭ zachapleńni, inšyja nazyvajuć formu horšaj na Alimpijadzie.
Vialikabrytanija
Kalekcyju dla spartsmenaŭ prezientavali na tydni mody ŭ Łondanie. Dyzajniery natchnialisia alimpijskaj formaj 1960-ch hadoŭ. Taki strymany brytanski styl — kurtki-bombiery z pałasatymi rukavami, śvietłyja štany-čynas, cišotki-poła (balelščyki mohuć nabyć lubuju za 55 funtaŭ).
Vienhryja
Plisirovanyja spadnicy ŭ kolerach nacyjanalnaha ściaha, šaŭkovyja sarafany, karotkija kimano…
Vierahodna, vienhierskija modnicy imhnienna raskupiać alimpijskuju formu. Za jaje raspracoŭku braŭsia łakalny brend Nubu, jaki spałučaje minimalizm i sučasnaść.
Čechija
Dyzajniery abyhrali narodny češski kaścium. Siniaja tkanina ź biełym uzoram — heta ručnaja afarboŭka ŭ technicy «madrocisk» (ramiastvo sa śpisu niemateryjalnych kulturnych kaštoŭnaściaŭ JUNIESKA). Uzor nanosicca pierad afarboŭkaj z dapamohaj draŭlanaha trafareta i bieskalarovaj pasty.
Paradnuju formu dapoŭnili čyrvonymi čaravikami, plecienymi sumkami i viejerami.
Niderłandy
Dla zbornaj Niderłandaŭ raspracavali nibyta kruiznuju kalekcyju. Śvietłyja kaściumy ŭ pałosku, modnyja ŭ hetym siezonie biermudy…
U takim paśla aficyjnych mierapryjemstvaŭ možna adrazu adpraŭlacca na pramienad pa ŭźbiarežžy.
Tonha
Zbornyja ekzatyčnych krain zaŭsiody vyhladajuć kałarytna. Hetym razam uvahu pryciahnuli atlety z Tonha. A dakładniej, ich ściahanosiec — na cyrymonii adkryćcia jon źjaviŭsia ŭ nacyjanalnaj spadnicy, upryhožanaj maluskami, i z hołym torsam, ščodra abmazanym alejem.
Kaściumy hetaj zbornaj adnolkavyja dla mužčyn i žančyn — jarkaja cišotka z ružovym arnamientam i siniaja spadnica.
Libieryja
Da hetaj kalekcyi prykłaŭ ruku papularny ŭ moładzi amierykanski brend Telfar (jaho zasnavaŭ dyzajnier libieryjskaha pachodžańnia). Jon natchniaŭsia afrykanskaj kulturaj — apranuŭ alimpijcaŭ u tuniki i šaravary.
Inšaja fiška dyzajniera — niestandartnyja kanstruktarskija rašeńni (naprykład, šorty, padobnyja da zaviazanaha na pojasie ručnika).
