Hałasy na zapisie naležać hałoŭnamu trenieru zbornaj Juryju Maisieviču, druhi — členu biełaruskaj delehacyi.
Voś niekatoryja cytaty
«Kali ty chočaš dalej vystupać za Respubliku Biełaruś, to pasłuchaj. Pryjedź i prosta pajedź dadomu, da baćkoŭ, i prosta adpuści hetuju situacyju».
«Ty na ŭsiu krainu abvinavačvaješ ludziej, nie razabraŭšysia ŭ čym i jak. I tvajo hłupstva mahła b paŭpłyvać na toje, što ludzi stracili b pracu. U ludziej jość siemji. Svaim hłupstvam ty mahła złamać losy ludziej».
«Dla taho, kab heta supakoić, treba prosta syści z efiru i zamaŭčać».
«Mnie treba davać spravazdaču. Tam atrymlivajecca 350 dalaraŭ, treba tabie ich zdać, bo heta padspravazdačnyja hrošy. Heta sutačnyja, jakija ty niedabudzieš».
«Dobra atrymałasia, što ty paprasiła prabačeńnia pierad ministram. Siońnia jon budzie zaŭzieć za nas, razumieješ? Jon pry luboj situacyi skaža: «Voś jana patelefanavała, paprasiła prabačeńnia».
«Ty zrabiła takuju vialikuju spravu. Ale heta pieršy krok, a treba zrabić druhi, jaki prosiać, razumieješ?»
«Treba voś heta zrabić, razumieješ? Pravilna pastupić. My spakojna padajom u arhkamitet, što ŭ ciabie traŭma, vyrašajem hetaje pytańnie, i ty spakojna źjazdžaješ. I ja tabie abiacaju, što ty zastaniešsia ŭ lohkaj atletycy».
«Ale ty pavier, ja nie svaju dupu ratuju i nie dupu kahości. < … > Raz nam prapanavana tak — my pavinny padparadkavacca i pastupić tak, razumieješ? Padparadkavacca i pastupić tak».
Lohkaatletku Kryścinu Cimanoŭskuju źbiralisia vysłać z Tokia ŭ Biełaruś. Jana budzie prasić prytułak u Jeŭropie
«Trenier skazaŭ, što heta pytańnie ŭžo nie na ŭzroŭni Fiederacyi i Minsportu». Intervju Kryściny Cimanoŭskaj z aeraporta
