11.08.2021
/ 12:06 / Ałharytmičny łacinski varyjant
eBay razbłakavaŭ aŭkcyjon pa miedali Kryściny Cimanoŭskaj. Za jaho prapanujuć 21 tysiaču dalaraŭ
Vialiki abjom trafiku za siarebrany miedal Jeŭrapiejskich hulniaŭ Kryściny Cimanoŭskaj pryvioŭ da taho, što servis eBay učora vymušana zabłakavaŭ akaŭnt Biełaruskaha fondu spartyŭnaj salidarnaści.
Adnak ciapier tarhi razbłakavanyja, i na hety momant (12:00 sierady) za miedal dajuć 21 000 dalaraŭ.
Minimalnaja novaja staŭka za łot — plus 30 dalaraŭ. U paniadziełak, u pačatku tarhoŭ, za miedal prapanoŭvali 5 tysiač dalaraŭ.
Lohkaatletka pradaje ŭznaharodu, jakuju jana vyjhrała na II Jeŭrapiejskich hulniach u Minsku ŭ zabiehu na 100 mietraŭ. Usie srodki buduć pieraličanyja ŭ BFSS dla padtrymki represavanych atletaŭ.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH