Za čas znachodžańnia ŭ reanimacyi chłopčyk pieranios 22 apieracyi — najlepšyja daktary stalicy zmahalisia za žyćcio padletka. U ciapierašni čas, jak adznačyli śpiecyjalisty, jon kampiensavany. Chłopčyka pieraviali dla dalejšaha prachodžańnia lačeńnia ŭ dziciačaje apiokavaje adździaleńnie centra.
Zdareńnie adbyłosia ŭ kancy krasavika ŭ Miadzielskim rajonie. U domie Kahadoŭskich zdaryŭsia pažar. Baćkoŭ doma nie było (mama była na pracy, tata pajechaŭ za joj). Roma na svaich rukach vynies z ahniu dvuchhadovaha bracika i tut ža straciŭ prytomnaść. Akramia apiokaŭ na jaho tvary i rukach byli parezy ad raźbitaha škła, praź jakoje jamu daviałosia prajści.
29 krasavika Romu na viertalocie transpartavali ŭ Respublikanski apiokavy centr balnicy chutkaj miedycynskaj dapamohi Minska.
Taksama Minzdaroŭja nahadvaje, što ŭ Respublikanski apiokavy centr pastupiŭ jašče adzin padletak Vadzim Palčanka ź Mścisłaŭskaha rajona. Jon padčas rybałki atrymaŭ elektratraŭmu. Pry pieršasnym ahladzie ŭ jaho byli dyjahnastavany apioki roznaj stupieni ciažkaści — da 70 pracentaŭ. Na siońniašni momant Vadzim prajšoŭ pieršy kurs reabilitacyi ŭ Mahiloŭskaj abłasnoj dziciačaj balnicy i ŭčora byŭ vypisany dadomu.
Usie daktary, jakija ratavali dziciačyja žyćcia, buduć uznaharodžanyja. Atrymaje ŭznaharodu i Roma Kahadoŭski.
