Fota pixabay.com
Ciapier miedyki bajacca, što paśla zakančeńnia pandemii Indyju čakaje ŭsplosk novych vypadkaŭ dyjabietu. Naprykład, mumbajski miedyk Rachuł Baksi śćviardžaje, što 8-10% jaho pacyjentaŭ, jakija nie mieli dyjabietu da taho, jak zachvareli na kavid, paśla vyzdaraŭleńnia majuć vysoki ŭzrovień cukru ŭ kryvi, piša VVS.
U špitalach indyjskich haradoŭ Deli i Čenaj było praviedzienaje daśledavańnie, u jakim pryniali ŭdzieł 555 pacyjentaŭ z dyjabietam. Zhodna ź im, tyja pacyjenty, u jakich byŭ dyjahnastavany dyjabiet paśla zaražeńnia kavidam, mieli bolš vysoki ŭzrovień cukru ŭ kryvi (važnaja charaktarystyka dyjabietu), čym tyja, chto mieŭ chvarobu raniej.
Chutčej za ŭsio, častka pacyjentaŭ, što atrymali postkavidny dyjabiet, mieli chvarobu raniej, ale im prosta nie byŭ vystaŭleny dyjahnaz. Inšyja ź ich, vierahodna, atrymali chvarobu paśla lačeńnia steroidami. Paśla vypiski sa špitala ŭ niekatorych pacyjentaŭ uzrovień cukru ŭ kryvi pryjšoŭ u normu. Była i treciaja hrupa pacyjentaŭ, jakija atrymali postkavidny dyjabiet praz toje, što virus paškodziŭ kletki ich padstraŭnikavaj załozy. Pakul nie zrazumieła, ci zastaniecca ŭ pacyjentaŭ postkavidny dyjabiet nazaŭždy.