Urad Sudana vyrašyŭ vydać byłoha prezidenta Amara al-Bašyra, jaki kiravaŭ krainaj amal 30 hadoŭ, Mižnarodnamu kryminalnamu sudu ŭ Haazie, piša CNN.
Al-Bašyra chočuć sudzić za vajennyja złačynstvy i hienacyd u Darfury. Order na jahony aryšt byŭ vydadzieny jašče ŭ 2009-2010 hadach, kali al-Bašyr jašče zajmaŭ pasadu prezidenta.
Mižnarodny kryminalny sud abvinavaciŭ jaho ŭ arhanizacyi hienacydu padčas kanfliktu ŭ zachodniaj sudanskaj pravincyi Darfur, jaki ŭspychnuŭ u 2003 hodzie.
Prezidenta Sudana ličać inicyjataram masavaha źniščeńnia troch etničnych mienšaściaŭ.
Al-Bašyr syšoŭ u adstaŭku tolki ŭ 2019 hodzie na fonie masavych pratestaŭ.