Fiederalny ŭrad Šviejcaryi ŭ sieradu 11 žniŭnia abviaściŭ ab uzmacnieńni sankcyj suprać Biełarusi.
Novyja miery ŭklučajuć handlovyja abmiežavańni dla peŭnych tavaraŭ, a taksama abmiežavańni ŭ finansavym siektary.
U dadatak da isnaha embarha na pastaŭki zbroi i tavaraŭ, jakija mohuć vykarystoŭvacca dla represij, urad uvioŭ embarha na tavary, jakija mohuć vykarystoŭvacca dla adsočvańnia i prasłuchoŭvańnia internetu i telefonnaha trafika.
U finansavym siektary ŭrad pryniaŭ rašeńnie ab abmiežavańni na vypusk i handal niekatorymi finansavymi instrumientami, pradastaŭleńnie kredytaŭ, a taksama pasłuhi strachavańnia i pierastrachavańnia dla ŭrada Biełarusi i inšych dziaržaŭnych ustanoŭ.
Šviejcarski ŭrad vyrašyŭ nakłaści finansavyja sankcyi na dziaržaŭnuju kampaniju «Biełaeranavihacyja», jakaja adkazvaje za kiravańnie pavietranym rucham u Biełarusi.
