Jamajec Chansł Parčmient vyjhraŭ zołata Alimpijady ŭ spabornictvach pa biehu na 110 mietraŭ z barjerami. Ale pierad hetym usio pajšło nie pavodle płana — spartoviec ledźvie nie spaźniŭsia na paŭfinalny zabieh, bo sieŭ nie na toj aŭtobus i pryjechaŭ na kompleks dla spabornictvaŭ pa viesłavańni.

Parčmient apublikavaŭ u Instagram videa, dzie patłumačyŭ, što ŭ toj samy momant adčuŭ siabie biezdapamožnym i amal nie spadziavaŭsia paśpieć na stadyjon da pačatku zabiehu. Ale potym jon pabačyŭ vałanciorku i pačaŭ uprošvać jaje dapamahčy, bo viedaŭ, što vałancioram nie nadta šmat dazvalajecca ŭ kamunikacyi z spartoŭcami, piša Sky News.

Dziaŭčyna dała Parčmientu trochi hrošaj, kab jon zdoleŭ dajechać da stadyjona na taksi. Dziakujučy hetamu atlet trapiŭ na stadyjon i mieŭ dastatkova času na raźminku i na sam udzieł u spabornictvie.

Paśla taho, jak jamajec zavajavaŭ alimpijskaje zołata, jon vyrašyŭ paŭtaryć maršrut taho dnia, kab znajści tuju samuju vałanciorku i pakazać joj miedal, jaki b nie byŭ atrymany bieź jaje dapamohi. Taksama Parčmient padaryŭ dziaŭčynie, jakuju kličuć Tryjana, futbołku z alimpijskaha kamplekta jamajskaj zbornaj, i viarnuŭ joj hrošy za toje samaje taksi. Jak pieradajuć jamajskija miedyja, ministr turyzmu vostrava taksama vyrašyŭ padziakavać Tryjanie i prapanavaŭ joj biaspłatnuju pajezdku na Jamajku.

Клас
0
Панылы сорам
0
Ха-ха
0
Ого
0
Сумна
0
Абуральна
0