Pa viersii abvinavačvańnia, rolik «źmiaščaje zahadzia łžyvuju infarmacyju, jakaja hańbić prezidenta». Raniej paviedamlałasia, što siarod hetych vučniaŭ byŭ syn miascovaj čynoŭnicy, jaki źniaŭ heta na mabilny telefon i vykłaŭ zapis u «siamiejny čat». Paśla hetaha nastaŭnika zvolnili i zaviali kryminalnuju spravu. Svaju vinu mužčyna nie pryznaŭ ni padčas śledstva, ni na sudzie. Były nastaŭnik znachodzicca pad padpiskaj ab niavyjeździe, jamu pahražaje da piaci hadoŭ kałonii, paviedamlaje spring96.org

Spravu razhladaje suddzia Ludmiła Michnievič, dziaržaŭnaje abvinavačvańnie padtrymlivaje prakuror Andrej Kłyševič.

Zhodna ź viersijaj abvinavačvańnia, 12 sakavika napiaredadni Dnia Kanstytucyi na ŭroku «Hramadaznaŭstva» prademanstravaŭ vučniam 11 kłasa videarolik pad nazvaj «Konstituciia ušła v prostituciiu!» z łahatypam, jaki sudom pryznany ekstremisckim. Tema ŭroka była «Sistema mižnarodnych znosinaŭ». Pa viersii śledstva, rolik «źmiaščaje zahadzia łžyvuju infarmacyju, jakaja hańbić prezidenta».

Jana ŭtrymlivaje vykazvańnie, jakoje niehatyŭna aceńvaje Alaksandra Łukašenku, a taksama paklopnickuju infarmacyju ab niezachavańni prezidentam, jaki źjaŭlajecca kiraŭnikom dziaržavy, harantam Kanstytucyi, pravoŭ i svabod čałavieka i hramadzianina, niekalkich artykułaŭ Kanstytucyi: 7 (pra adsutnaść viaršenstva prava); 13 (pra adsutnaść harantyi z boku dziaržavy prava pracoŭnych prymać udzieł u kiravańni pradpryjemstvami, arhanizacyjami i ŭstanovami, z metaj pavyšeńnia efiektyŭnaści ich pracy i palapšeńnia sacyjalna-ekanamičnaha ŭzroŭniu žyćcia); 18 (pra nievykanańnie taho, što Riespublika Biełaruś maje na mecie zrabić terytoryju biaźjadziernaj zonaj, a dziaržavu — niejtralnaj), 24 (pra nievykanańnie prava kožnaha na žyćcio), 25 (pra nievykanańnie taho, što nichto nie musić padviarhacca katavańniam, žorstkamu, biesčałaviečamu abo prynižajučamu jaho hodnaść abychodžańniu ci pakarańniu), 26 (pra nievykanańnie taho, što nichto nie moža być pryznany vinavatym u złačynstvie, kali jaho vina nie budzie va ŭstanoŭlenym zakonam paradku dakazana i ŭstanoŭlena prysudam, što ŭstupiŭ u zakonnuju siłu) dy inš

Pa hetym artykule byłomu nastaŭniku moža pahražać da piaci hadoŭ kałonii.

Na sudzie były nastaŭnik patłumačyŭ, što svajo mierkavańnie pra toje, što Kanstytucyja ŭ krainie parušajecca, jon sfarmiravaŭ z analizu padziej, jakija aśviatlajucca ŭ ŚMI.

Prakuror Kłyševič prapanavaŭ Andreju Piatroŭskamu pradstavić dokazy parušeńniaŭ. Były nastaŭnik pryvioŭ prykład z byłym kandydatam ŭ prezidenty Viktaram Babarykam, jakoha ŭ dziaržaŭnych ŚMI nazyvali złačyncam da suda, čym parušajecca artykuł 26 Kanstytucyi (prezumpcyja nievinavataści). Tady prakuror prapanavaŭ pradstavić infarmacyju, dzie i kali heta adbyłosia, bo pra heta nie viedaje.

Taksama Andrej Piatroŭski pryvioŭ prykład z zabaronaj viartańnia z-za miažy byłoha kiraŭnika katalickaj carkvy krainy Tadevuša Kandrusieviča, čym parušajecca artykuł 30 Kanstytucyi (svaboda pieramiaščeńnia). Pra heta prakuror čuŭ, ale parušeńnia nie bačyć.

Zaraz na sudzie apytvajucca śviedki.

Клас
Панылы сорам
Ха-ха
Ого
Сумна
Абуральна