«Na ŭsich dopytach my zaŭsiody kazali, što Ksienija i jaje apieratar nie majuć nijakaha dačynieńnia da dziejnaści «Pres-kłuba», — adznačaje ŭ intervju zasnavalnica prajekta Julija Słuckaja. — Ksienija adzin raz udzielničała ŭ chakatonie, jaki pravodziŭ «Pres-kłub», i jaje prajekt byŭ u liku pieramožcaŭ. Ja bačyła jaje ŭsiaho adzin raz u «Pres-kłubie» i toje mimachodź. Druhi raz ubačyła jaje ŭžo ŭ Śledčym kamitecie. Nie viedaju, ci prapanoŭvali joj napisać prašeńnie (ab pamiłavańni — NN). Mnie viadoma, što ciapier joj vystaŭlena novaje abvinavačvańnie pa inšym artykule».
Ksienija Łuckina 15 hadoŭ addała dziaržaŭnamu telebačańniu. Jana zvolniłasia paśla vybaraŭ i źbirałasia stvarać alternatyŭny kanał, kali jaje zatrymali. Pakul Ksienija vośmy miesiac u SIZA, bieź jaje sumuje maleńki syn, baćki niepakojacca za zdaroŭje dački.
Taksama za kratami zastajecca były apieratar BT Dzianis Sakałoŭski, šosty fihurant spravy «Pres-kłuba».
Ciapier, kali vyzvalili čaćviarych, sudzić buduć tolki Łuckinu i Sakałoŭskaha. Dzianis syšoŭ z BT paśla vybaraŭ, byŭ niazhodny z palitykaj telekampanii.
«Ja na svaje vočy bačyŭ, kolki było ŭ skryni biuleteniaŭ, składzienych harmonikam (štab Cichanoŭskaj zaklikaŭ svaich vybarcaŭ tak rabić — NN). I kali potym abvieścili takija niepraŭdapadobnyja vyniki — heta vielmi aburyła. Źbićcio ŭdzielnikaŭ pratestu stała apošniaj kroplaj — a my (na BT — NN) pry hetym možam pakazvać tolki paciarpiełych supracoŭnikaŭ MUS. I ni słova pra traŭmavanych i zahinułych padčas mirnaj demanstracyi», — kazaŭ Dzianis u intervju.
Čytajcie taksama:
Historyja Ksienii Łuckinaj, jakaja 15 hod pracavała na BT, a ciapier apynułasia ŭ SIZA za sprobu stvaryć alternatyŭny kanał
Jak mahli «pamiłavać» preskłubaŭcaŭ, kali ich jašče nie asudzili? Tłumačym
