«Pa niekatorych śpiecyjalnaściach prachadnyja bały dadatkovaha naboru navat pieravyšali bały asnoŭnaha.
Zastalisia niezapoŭnienyja miescy pa sielskahaspadarčych śpiecyjalnaściach (pa ich tradycyjna zapatrabavanaść u abituryjentaŭ nie takaja, jak chaciełasia b) i niekatorych techničnych»,
— prakamientavavała kansultant hałoŭnaha ŭpraŭleńnia prafiesijnaj adukacyi Ministerstva adukacyi Rema Hierłoŭskaja.
Nie chapaje nastaŭnikaŭ fiziki i matematyki (u BDPU, naprykład, danabrali 12 čałaviek, ale jašče čatyry miescy nie zapoŭnilisia). Nahadajem, univiersitety vyviešvali abjavy, što na piedahohaŭ mohuć pastupić navat abituryjenty, jakija nabrali minimalnyja prachadnyja bały na CT.
Volnyja miescy zastalisia taksama ŭ Vajskovaj akademii, kolkaść nie ŭdakładniajecca — pieršapačatkova ich było bolš za 100, na niekatoryja śpiecyjalnaści zaličvali sa 120 bałami.
Sioleta va ŭniviersitety pryniali 26 tysiač čałaviek na biudžet i 22 tysiačy na płatnaje. Letaś za svoj košt było hatova vučycca na čatyry tysiačy abituryjentaŭ bolš.
