Biełaruskaje abjadnańnie, jakoje doŭhi čas zajaŭlała pra pieradstrajkavy stan u ekanomicy, ahučyła novy varyjant vyjścia.
«Čym daŭžej taki stan budzie doŭžycca, tym horš dla krainy, dla ekanomiki. Tamu prapanujem pieramovy — nie Łukašenku, a jaho niepasrednamu atačeńniu. Tam nie durnyja ludzi. My hatovyja sieści za stoł i damovicca ab novych prezidenckich i parłamienckich vybarach, ab pieradačy ŭłady, ab vyrašeńni palityčnaha i ekanamičnaha kryzisu», — cytuje «Svaboda» Siarhieja Dyleŭskaha, jaki vystupiŭ na YouTube-kanale palitołaha Dźmitryja Bałkunca.
Dyleŭski paćvierdziŭ patrabavańni da ŭładaŭ Biełarusi:
— vyzvaleńnie palityčnych viaźniaŭ,
— svaboda dla niezaležnych miedyja,
— urehulavańnie hodnych zarobkaŭ i piensij,
— pačatak pieramovaŭ dziela vychadu z kryzisu.
Dyleŭski dadaŭ, što ŭžo sutyknuŭsia z aburanymi kamientarami, maŭlaŭ, jakija mohuć pieramovy z Łukašenkam?
«Adnak my bačym u pieramovach najpierš vychad z amal tupikovaj situacyi, jakaja ciapier skłałasia ŭ krainie», — patłumačyŭ svaju pazicyju Siarhiej Dyleŭski.
Jakim čynam ułady mohuć pajści na pieramovy z apazicyjaj biez Łukašenki, nie ŭdakładniajecca. Pra taki varyjant pieramovaŭ doŭhi čas kaža i štab Śviatłany Cichanoŭskaj.
