Vypusk papularnaha amierykanskaha šou Last Week Tonight komika Džona Oliviera całkam pryśviacili biełaruskim padziejam.
U šou ŭspomnili nieadnaznačnyja vykazvańni Łukašenki pra karanavirus, jahonyja vykazvańni pra dyktaturu, pra pasadku samalota Ryanair, skandał sa spartsmienkaj Kryścinaj Cimanoŭskaj.
Olivier raspavioŭ pra palitviaźniaŭ u Biełarusi (u pryvatnaści, pra prysud Maksimu Znaku i Maryi Kaleśnikavaj).
Taksama komik raskazaŭ amierykancam pra akcyi ŭ 2012 hodzie, kali hramadzianie Šviecyi na lohkamatornym samalocie pralacieli nad Biełaruśsiu i skinuli «plušavy desant».
Na zakančeńnie viadoŭca prapanavaŭ hledačam kuplać plušavych mišak — kab padtrymać niezaležnuju presu i pravaabarončyja arhanizacyi ŭ Biełarusi. Košt adnoj cacki — 20 dalaraŭ. Mienš čym za 12 hadzin cacki raskupili.
