Pra svajo rašeńnie jon paviedamiŭ u prysutnaści Natalli Kačanavaj, piša BiełTA.
«Ja jaho nakiroŭvaju tudy nie tolki tamu, što heta patryjot, addany krainie čałaviek (takich my nie kryŭdzim i nie kidajem, heta ŭsim zrazumieła), ale ja jaho chaču bačyć tam jašče jak čałavieka zdolnaha. Jon razumny, piśmienny. U žyćci jon sierbanuŭ hora, biez baćki vyras. Mama ŭ jaho ŭ carkvie pracuje. Viedaju, što heta čałaviek ščyry. A toje, što tam pra jaho pišuć … Nu, bjuć pa tych, chto pobač, — Kačanava, Ejsmant, Baskaŭ, Łatyšonak, i pajšło-pajechała (a kaho bolš? Usie astatnija tam — na zadnim płanie, choć i im taksama chapaje). Ale bjuć pa im, my heta vydatna razumiejem», - skazaŭ Łukašenka.
Zhodna z Kanstytucyjaj, členaŭ Savieta Respubliki abirajuć miascovyja saviety deputataŭ, jašče 8 čałaviek moža pryznačyć kiraŭnik krainy. U Saviecie Respubliki apošniaha sklikańnia było 4 čałavieki, pryznačanych Łukašenkam. Paśla pryznačeńnia Baskava, try miescy zastajucca vakantnymi.
Nahadajem, 8 vieraśnia Mižnarodnaja fiederacyja chakieja (IIHF) pryniała rašeńnie nakłaści sankcyi na Dźmitryja Baskava. Jaho abvinavacili ŭ złoŭžyvańni słužbovym stanoviščam, cisku na spartoŭcaŭ i datyčnaści da śmierci Ramana Bandarenki, dyskvalifikavaŭšy na piać hadoŭ.
IIHF paviedamiła, što 25 listapada raspačała rasśledavańnie pa mahčymym dačynieńni Baskava da incydentu sa śmierciu ŭ vyniku źbićcia na Płoščy pieramien Ramana Bandarenki. Fiederacyja atrymała spravazdačy ad Biełaruskaha fondu spartovaj salidarnaści i daručyła niezaležnaj daśledčaj firmie pravieści analiz ahulnadastupnaj infarmacyi na hety kont.
«Hruntujučysia na acency paviedamleńniaŭ ŚMI, aŭdyjazapisaŭ i fatahrafij, firma pryjšła da vysnovy, što, choć nielha vyklučać prysutnaść Baskava na mierapryjemstvie, jana nie znajšła dokazaŭ aktyŭnaha ŭdziełu Baskava ŭ napadzie na Bandarenku», — kazałasia ŭ paviedamleńni.
U červieni 2020 hoda Baskaŭ napisaŭ adkryty list z krytykaj spartsmienaŭ, jakija padtrymlivajuć apazicyjny ruch Biełarusi.
Adrazu paśla abviaščeńnia dyskvalifikacyi FCHB zajaŭlała, što Baskaŭ zastaniecca kiraŭnikom fiederacyi, adnak potym jon padaŭ u adstaŭku.
Čytajcie taksama:
FOTAFAKT. Kolki kaštuje hadzińnik Dźmitryja Baskava, jaki siońnia staŭ sienataram?
