Juzaf Stanieŭski naradziŭsia 4 krasavika 1969 h. u Zanievičach pad Hrodnam. Paśla zakančeńnia siaredniaj škoły ŭ Łuckaŭlanach u 1987-1989 hadach słužyŭ u vojsku.
U 1990 h. jak adzin ź pieršych kandydataŭ byŭ zaličany na vučobu ŭ zasnavanuju ŭ tym ža hodzie biskupam Tadevušam Kandrusievičam Vyšejšuju duchoŭnuju sieminaryju ŭ Hrodnie.
Dyjakanskaje paśviačeńnie atrymaŭ u 1994 hodzie, a śviatarskaje ŭ 1995-m. Skončyŭ Lublinski katalicki ŭniviersitet.
Słužyŭ u Vaŭkavysku i Hrodnie. Byŭ rektaram Vyšejšaj duchoŭnaj sieminaryi ŭ Hrodnie.
29 listapada 2013 h. Papa Francišak pryznačyŭ Juzafa Stanieŭskaha dapamožnym biskupam Hrodzienskaj dyjacezii. 14 krasavika 2021 h. jon byŭ druhi raz abrany hienieralnym sakratarom Kanfierencyi Biskupaŭ.
Mienavita Juzaf Stanieŭski 24 śniežnia 2020 hoda sustreŭ na biełaruska-polskaj miažy Tadevuša Kandrusieviča, jakoha 31 žniŭnia nie puścili ŭ Biełaruś paśla viartańnia z Polščy, i pryvioz jaho ŭ Hrodna.
Pasada Mitrapalita Minska-Mahiloŭskaha była vakantnaj paśla sychodu na piensiju arcybiskupa Tadevuša Kandrusieviča 3 studzienia 2021 h., u dzień, kali ijerarchu spoŭniłasia 75 hadoŭ (biełaruskija ŭłady nie raz vykazvali niezadavoleńnie im). Papa Francišak pryniaŭ jaho adstaŭku i pryznačyŭ apostalskaha administratara — biskupa Kazimira Vialikasielca.
