Dzianis Harahlad padzialiŭsia asnoŭnymi tendencyjami raźvićcia bankaŭskaj sistemy Biełarusi i mahčymaściami raźlikaŭ u nacyjanalnych valutach va ŭmovach sankcyj. Jon adznačyŭ, što z ulikam sankcyj situacyja ŭ bankaŭskim siektary davoli ŭstojlivaja. Pry hetym adnosna biełaruskich bankaŭ niama abmiežavańniaŭ na praviadzieńnie raźlikaŭ i absłuhoŭvańnie klijentaŭ.
Što datyčycca pytańnia pierachodu pradpryjemstvaŭ i bankaŭ Biełarusi na raźliki ŭ nacyjanalnych valutach, to, na dumku Dzianisa Harahlada, jano aktualnaje niezaležna ad siektaralnych sankcyj i ŭžo siońnia mnohija subjekty haspadarańnia hatovy da takoha kroku. Naprykład, u struktury źniešniaha handlu Biełarusi valuty, adroznyja ad dalaraŭ ZŠA i jeŭra, majuć značnuju dolu: pa eksparcie — 36 pracentaŭ, pa imparcie — 50 pracentaŭ. Taksama nazirajecca trend na pavieličeńnie raźlikaŭ u kitajskich juaniach, adnak ich udzielnaja vaha ŭ ahulnaj struktury raźlikaŭ davoli nizkaja. Heta aznačaje, što jość patencyjał dla istotnaha rostu, u tym liku pry ŭmovie adnaŭleńnia SVOP-pahadnieńnia z Narodnym bankam Kitaja.
Krynicy: zachodnija banki zakryli rachunki ŭ valucie Biełarusbanka, Biełahraprambanka i Bielinviestbanka. Heta katastrofa?
