Ministr zajaviŭ, što pryjšła čaćviortaja chvala karanavirusa.
«Na žal, chałodnaje nadvorje spryjaje rostu zachvorvańnia. Zaraz my znachodzimsia amal na samych vysokich ličbach minułych chvalaŭ [ad 16 vieraśnia nižej za 1967 vypadkaŭ na dzień nie apuskałasia — NN]. Składanaść u tym, što hetyja ličby paŭtarajucca z dnia ŭ dzień, u tym liku pa špitalizacyi.
Nadzvyčajnaj situacyi niama, ale patrabujecca napružańnie sił sistemy achovy zdaroŭja», — skazaŭ jon.
Dźmitryj Pinievič vykazaŭsia i nakont vakcynacyi.
«Ja pahladzieŭ ciažkich pacyjentaŭ u reanimacyi i ŭ adździaleńniach — vakcynavanych ludziej praktyčna niama. Kali razmaŭlaješ z pacyjentami, pytajusia, čamu jany nie vakcynavanyja. «Spadziavaŭsia na ŭdaču», jakoje hučyć ad kožnaha, chto znachodzicca na reanimacyjnym abo infiekcyjnym łožku balnicy, mianie mocna hniacie».
«Na siońniašni momant vielmi aktualnaja tema ŭśviadomlenaha prychodu da vakcynacyi — kali ty vakcynuješsia, to abaraniaješ nie tolki i nie stolki siabie, ty abaraniaješ svaich baćkoŭ, babul i dziadulaŭ. Ty ŭnosiš leptu ŭ pieramohu nad pandemijaj. Karystajučysia vypadkam, jašče raz usich zaklikaju zrabić uśviadomleny vybar: vakcyn šmat, jany roznyja, my čakajem usich na pryščepačnych punktach». — dadaŭ ministr.
***
Pavodle źviestak na piatnicu, pieršuju dozu vakcyny atrymali 1,852 młn biełarusaŭ, 1,516 młn prajšli poŭny kurs vakcynacyi. Heta adnyja z samych nizkich ličbaŭ u Jeŭropie.
