Adznačajecca, što rašeńni ab kanfiskacyi i pradastaŭleńni ziamielnych učastkaŭ ź sielskahaspadarčych ziamiel sielskahaspadarčaha pryznačeńnia, lasnych ziamiel (pryrodaachoŭnych, rekreacyjna-azdaraŭlenčych i achoŭnych lasoŭ) dla budaŭnictva i absłuhoŭvańnia takich śvidravin, uźviadzieńnia, rekanstrukcyi i absłuhoŭvańnia abjektaŭ uładkavańnia naftavych radoviščaŭ, a taksama ab pieravodzie takich ziamiel u inšyja katehoryi prymajucca abłvykankamami biez uzhadnieńnia z Łukašenkam, a prajekt advodu ziamielnych učastkaŭ u pastajannaje abo časovaje karystańnie «Biełarusnafty» afarmlajecca paralelna z vykanańniem rabot pa budaŭnictvie śvidravin, uźviadzieńni i rekanstrukcyi abjektaŭ ŭładkavańnia naftavych radoviščaŭ pa faktyčna zaniatych dla hetych metaŭ ziemlach.
Padkreślivajecca, što zaniaćcie takich učastkaŭ «Biełarusnaftaj» nie budzie ličycca samavolnym zaniatkam učastkaŭ; a vydaleńnie drevaŭ i kustoŭ na ziemlach usich katehoryj na terytoryjach, jakija paciarpieli ad avaryi na Čarnobylskaj AES (Brahinskaha, Jelskaha, Lelčyckaha, Naraŭlanskaha i Chojnickaha rajonaŭ Homielskaj vobłaści), u tym liku na terytoryi Paleskaha dziaržaŭnaha radyjacyjna-ekałahičnaha zapaviednika, dla hieałahičnaha vyvučeńnia nietraŭ pravodzicca ŭ «adpaviednaści z zaćvierdžanym aktam vybaru ziamielnaha ŭčastka albo na padstavie rašeńnia rajvykankama ab dazvole praviadzieńnia pošukavych rabot».
Čytajcie taksama: «Nutrom čuju, jość u nas nafta». Ci realna Biełaruś moža zabiaśpiečyć siabie «čornym zołatam» i nakolki heta nam dapamoža