Vyklučeńnie składajuć miedycynskija ahlady, jakija pravodziacca ŭ paradku, ustanoŭlenym Instrukcyjaj ab praviadzieńni abaviazkovych i pazačarhovych miedahladaŭ pracujučych, zaćvierdžanaj pastanovaj Minzdaroŭja №74 ad 29 lipienia 2019 hoda, paviedamlaje BiełTA
Praviadzieńnie prafiłaktyčnych miedycynskich ahladaŭ prypyniajecca da stabilizacyi epidemijałahičnaj situacyi pa COVID-19. Zhodna z dakumientam prymać rašeńnie ab prypynieńni i (abo) adnaŭleńni płanavaj špitalizacyi u balničnych arhanizacyjach buduć na miescach samastojna z ulikam epidemijałahičnaj situacyi i mahčymaściaŭ arhanizacyj achovy zdaroŭja.
Palikliniki i balnicy pierachodziać na režym pracy ŭ epidemijałahičny pieryjad, abumoŭleny pavyšeńniem zachvorvańnia infiekcyjaj COVID-19 i VRI.
Što da RNPC, jany praciahnuć pracavać u zvyčajnym režymie z ulikam profilu akazańnia śpiecyjalizavanaj miedycynskaj dapamohi.
Jak dadali ŭ pres-słužbie Ministerstva, tym ža zahadam uniesieny źmieny ŭ praviadzieńnie sieminaraŭ, kanfierencyj, źjezdaŭ i inš.śpiecyjalisty, jakija prajšli poŭny kurs vakcynacyi suprać infiekcyi COVID-19, mohuć prymać udzieł u pracy mierapryjemstvaŭ u vočnym režymie. Tyja ž śpiecyjalisty, jakija jašče nie zaviaršyli kurs vakcynacyi, buduć udzielničać u mierapryjemstvach anłajn.
