U staličnaj DAI prapracoŭvajuć varyjant źmieny schiemy arhanizacyi ruchu kala Kamaroŭskaha rynku.
Na vuł. Kulman na ŭčastku ad vuł. Kujbyšava da vuł. Ja. Kołasa arhanizavany adnabakovy ruch. Kala prajeznaj častki raźmieščany bujny handlovy centr i inšyja abjekty, kudy na asabistym transparcie pryjazdžajuć pakupniki i pradaŭcy. Aŭtamabili parkujuć u dva šerahi, hrebujučy praviłami. Zatoje dva krytyja parkinhi pa susiedstvie z darohaj zastajucca nie zapoŭnienymi.
Akramia aŭtamabilaŭ, jakija pryjazdžajuć na rynak, tut prachodzić niamała tranzitnaha transpartu z vyjezdam na vuł. Da taho ž z-za mašyn, što stajać u zonie dziejańnia darožnych znakaŭ, jakija zabaraniajuć stajanku, niaredka ŭźnikajuć zatory. Usio heta šmat u čym uskładniaje žyćcio miascovym kiroŭcam, jakija vymušany ciarpieć niazručnaści pry vyjeździe z dvarovych terytoryj na vuł. Biełamorskaj i Cnianskaj i zajeździe na ich.
— U DAI pastupaje šmat zvarotaŭ ad hramadzian, jakija prosiać navieści paradak z parkoŭkaj transpartu na vuł. Kulman kala Kamaroŭskaha rynku, — adznačyŭ namieśnik načalnika adździeła techničnych srodkaŭ i sistem DAI HUUS Minharvykankama Dzianis Livanovič. — Niahledziačy na toje što ekipažy DPS adździeła DAI Savieckaha RUUS pieryjadyčna kantralujuć vykanańnie PDR na paznačanym učastku, parušeńniaŭ praviłaŭ stajanki tam pa-raniejšamu šmat. Dziaržaŭtainśpiekcyja praviała abśledavańnie ŭčastka darohi, vyvučyła abstanoŭku. U vyniku prapanavany varyjanty źmieny schiemy arhanizacyi darožnaha ruchu na vuł. Kulman na ŭčastku ad vuł. Kujbyšava da vuł. Kołasa. Hałoŭnaja meta — pazbavicca zatoraŭ. Prapracavany varyjant zakryćcia skraznoha prajezdu ad vuł. Kujbyšava ŭ bok vuł. Kołasa. Ruch budzie ažyćciaŭlacca ad vuł. Ja. Kołasa da vuł. Cnianskaj u dvuchbakovym režymie z mahčymaściu zajezdu na Kamaroŭski rynak, vyjezdam z vuł. Cnianskaj i zajezdam na vuł. Biełamorskuju. Z boku vulicy Kujbyšava ŭjezd budzie ažyćciaŭlacca tolki na parkinh z vyjezdam nazad na vuł. Kujbyšava. Heta značyć, hety nievialiki ŭčastak stanie dvuchbakovym. Astatniuju častku vuł. Kulman praciahłaściu kala 170 m (ad zajezdu na parkinh u rajonie vuł. Kujbyšava da zajezdu na terytoryju Kamaroŭskaha rynku), płanujecca zrabić zonaj kamfortu dla piešachodaŭ.
