Infarmacyja z aficyjnaha sajta Ministerstva achovy zdaroŭja: siońnia ŭ Minsku pracuje 108 arhanizacyj achovy zdaroŭja, ź ich 25 balničnych. Ahulnaja kolkaść łožkaŭ u stacyjanarach stalicy — 10 185. U horadzie dla lačeńnia pacyjentaŭ z COVID-19 razhornuta bolš za 3 tysiačy łožkaŭ.
Pieraprafilavanyja balnicy ŭ Minsku pad COVID-19 u bolš nahladnym dla acenki situacyi farmacie:
1. Haradskaja kliničnaja infiekcyjnaja balnica (prykładna na 2/3),
2. Dziciačaja haradskaja kliničnaja infiekcyjnaja balnica (častkova špitalizujucca i darosłyja pacyjenty),
3. HKB №1 (kardyjałahičnyja i reŭmatałahičnaje adździaleńni),
4. HKB №2 (kardyjałahičnyja adździaleńni, adździaleńni hnojnaj i ekstrannaj chirurhii),
5. HKB №3 (hastraenterałahičnaje adździaleńnie, kardyjałahičnaje, pulmanałahičnaje, hiniekałahičnaje i chirurhičnyja adździaleńni),
6. HKB №4 (atarynałarynhałahičnyja adździaleńni, chirurhičnaje i ŭrałahičnaje №1),
7. HKB №5 (usie terapieŭtyčnyja i chirurhičnyja adździaleńni),
8. HKB №6 (usie terapieŭtyčnyja i akušerska-hiniekałahičnyja adździaleńni),
9. HKB №10 (usie adździaleńni),
10. HKB №11 ( častkova),
11. Balnica chutkaj miedycynskaj dapamohi (častkova),
12. Haradski kliničny radzilny dom №2 (całkam),
13. Minski haradski kliničny centr dermatavienierałohii (vierahodna, całkam),
14. to be continued… («Minsk-Arena»? Ladovy pałac? Pałac sportu?)
Pacyjenty z COVID-19 zapaŭniajuć novyja stacyjanary/adździaleńni sa śvistam u ličanyja hadziny.
Infiekcyja istotna pamaładzieła, špitalizujucca nie tolki pacyjenty z chraničnaj patałohijaj, lišniaj vahoj i starejšyja za 60 hadoŭ, ale i va ŭzroście ad 20 hadoŭ, pryčym čaściakom z užo najaŭnaj dychalnaj niedastatkovaściu.
Daktary mnohich ustanoŭ achovy zdaroŭja tak i nie vychodzili z samych pieršych dzion kavidu ŭ sakaviku 2020 hoda, mnohija pracujuć na miažy mahčymaściaŭ. Nieabchodnych lekaŭ, jakija sapraŭdy dakazali svaju efiektyŭnaść, chaciełasia b mieć u dziasiatki razoŭ bolš.
A ŭ hety čas maski ŭ transparcie i kramie nie nosim abo nosim ich na baradzie, nieabaviazkovyja mierapryjemstvy naviedvajem, fizičnaje dystancyjavańnie nie vykonvajem navat u tych miescach, dzie dla hetaha zroblenaja śpiecyjalnaja raźmietka, i, samaje hałoŭnaje, — nie vakcynujemsia!
Nu niama narmalna vakcynavanych imunakampietentnych pacyjentaŭ z COVID-19 u reanimacyjnych adździaleńniach, niama! I prosta ŭ stacyjanar ich traplaje adzinki (za 2 miesiacy pracy ŭ HKIB mnie takich trapiłasia dvoje, zachvorvańnie skončyłasia ŭ ich biez nastupstvaŭ).
Tak što, darahija siabry, chopić ščoŭkać dziubaj, słuchać łuchtu ad błohieraŭ, jakija navat blizka nie majuć miedadukacyi, čytać žoŭtuju presu «ab škodzie i niebiaśpiecy pryščepak» i padviarhać žyćcio i zdaroŭje svajo, svaich dziaciej, rodnych i blizkich pastajannaj niebiaśpiecy. Nie dazvalajcie spracavać naturalnamu adboru.
Družna źbirajemsia siemjami, biarom pažyłych baćkoŭ i dziaciej, starejšych za 18 hadoŭ — i marš na vakcynacyju! Bo z takoj dynamikaj zachvorvańnia ŭ niedalokaj budučyni mnohim moža raptam nie chapić daktaroŭ, stacyjanaraŭ, kisłarodu i patrebnych lekaŭ.
